Травень 2024 года стаў самым цёплым месяцам за ўсю гісторыю метэаназіранняў у свеце і дванаццатым рэкордна цёплым месяцам запар. Сярэдняя тэмпература на планеце была на 1,52 градусы вышэй, чым у сярэднім за перыяд з 1850 па 1900 год, да пачатку індустрыялізацыі, піша «Дзікая прырода побач».
Здаецца, што 1,5 градуса — нязначная велічыня. Але для планеты кожная дзясятая доля градуса — гэта парушэнне раўнавагі, якая ўстаялася за мільёны гадоў, і часта — катастрафічныя вынікі для цэлых рэгіёнаў.
На мінулым тыдні на Маскву і Падмаскоўе наваліўся атлантычны цыклон «Эдгар» з навальніцай, градам і смерчамі, загінулі два чалавекі. А ў Меццы з-за анамальнай спёкі загінула больш за 1000 чалавек. Тэмпература паветра там дасягала рэкордных 51,8 градуса. І падобныя з’явы назіраюцца па ўсім свеце.
Вучоныя папярэджваюць: калі чалавецтва не знойдзе спосаб глабальна скараціць выкіды парніковых газаў, клімат будзе працягваць біць гістарычныя рэкорды і выклікаць яшчэ больш экстрэмальных з'яў надвор'я.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары
У сярэднявеччы былі і пацяпленні, калі нейкая лясы расьлі ў Ісландыі і грэнландыі і пахаладанні. 10 тыс гадоў таму ўвогуле ў яўропе было абледзяненне, у Полацку тундра была