Тэмпература днём дасягае 43 градусаў у цені.
Грэцыю накрыла рэкордная хваля спёкі. Тэмпература днём дасягае 43 градусаў у цені. У некалькіх рэгіёнах, уключаючы сталічны, зачыненыя школы, піша Расійская служба Радыё Свабода.
Міністэрства працы Грэцыі рэкамендуе прадпрыемствам па магчымасці пераводзіць супрацоўнікаў на аддаленую працу. У сераду Міністэрства культуры абвясціла, што галоўная турыстычная славутасць — Афінскі Акропаль — будзе зачынены для наведвальнікаў у самыя гарачыя гадзіны, з 12:00 да 19:00 аж да асаблівага распараджэння.
Гэта першая хваля анамальнай спякоты ў Грэцыі сёлета. Метэаролагі адзначаюць, што раней такія хвалі бывалі ў сярэдзіне лета, але яшчэ ніколі спякота не прыходзіла раней за 15 чэрвеня.
Анамальнай для Грэцыі лічыцца летняя тэмпература вышэй за 38 градусаў, якая трымаецца не менш за тры дні.
Летась Акропаль ужо закрывалі для турыстаў у ліпені. Тады небяспечная спякота доўжылася два тыдні, і пакуль славутасць не зачынілі, турысты страцілі прытомнасць у чарзе па квіткі і на экскурсіях.
Грэцыя ўваходзіць у лік еўрапейскіх краін, дзе змены клімату найбольш бачныя. У мінулым годзе спёка выклікала хвалю лясных пажараў; пасля іх з-за кліматычных «арэляў» пачаліся багатыя дажджы, якія выклікалі паводкі. І пажары, і паводкі нанеслі прыкметны ўрон як прыродзе, так і сельскай гаспадарцы і гарадам.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць11
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары