Na čornym rynku źjaviŭsia padrobleny Ozempic — vielmi niebiaśpiečny dla zdaroŭja
Rehularnyja łancužki pastavak padrobak papularnaha preparatu dla pachudzieńnia vyjaŭlenyja ŭ Vialikabrytanii, ZŠA i Brazilii.
Suśvietnaja arhanizacyja achovy zdaroŭja vypuściła papiaredžańnie ab falsifikavanych preparatach, jakija ŭtrymlivajuć siemahłutyd. Jany vykarystoŭvajucca dla lačeńnia dyjabietu 2 typu i atłuścieńnia.
Hłabalnaja sistema nahladu i manitorynhu SAAZ (GSMS) pačała fiksavać rost kolkaści paviedamleńniaŭ ab falsifikavanych praduktach siemahłutydu va ŭsich rehijonach śvietu pačynajučy z 2022 hoda. Ale tolki ciapier było vypuščana pieršaje aficyjnaje papiaredžańnie.
Jano tyčycca troch falsifikavanych partyj preparatu handlovaj marki Ozempic, jakija byli vyjaŭlenyja ŭ Brazilii, ZŠA i Vialikabrytanii ŭ kancy minułaha hoda. U apošniuju krainu jany trapili ad nielehalnych pastaŭščykoŭ z Aŭstryi i Hiermanii.
SAAZ rekamienduje atrymlivać preparat tolki praz aŭtarytetnyja krynicy, a nie praź niezrazumiełyja sajty ŭ internecie ci sacyjalnyja sietki.
Śpiecyjalisty arhanizacyi papiaredžvajuć, što ŭ niekatorych padrobkach zamiest siemahłutydu mohuć utrymlivacca zusim inšyja leki, naprykład, insulin, što moža pryvieści na niepradkazalnych nastupstvaŭ.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary