Razborki ŭ KR praciahvajucca: Łatuška z pazicyi siły źmianiaje statut KR, błok Prakopjeva supraciŭlajecca
Kaardynacyjnaja rada treciaha sklikańnia tak i nie paśpieła pačać paŭnavartasnuju pracu, jak znoŭ apynułasia ŭ centry skandału. Zrešty, skandał jakraz i źviazany z vyznačeńniem taho, pa jakich praviłach hulać.
Pasprabujem maksimalna schiematyčna pierakazać sens nieparazumieńniaŭ.
U svoj čas u statut Kaardynacyjnaj rady druhoha sklikańnia zapisali punkt, pavodle jakoha nielha spałučać «ministerskuju» pasadu ŭ kabiniecie Śviatłany Cichanoŭskaj i status deputata KR.
Na ciapierašnich vybarach pieramahła frakcyja Paŭła Łatuški — a Łatuška jakraz nie adpaviadaje hetamu praviłu ab sumiaščeńni pasadaŭ. Zrešty, takaja ž situacyja z Alinaj Koŭšyk z frakcyi «Jeŭrapiejski vybar».
I što dalej? Piać frakcyj (ahułam heta 66% składu KR — heta kamanda Łatuški i ruch «Za Svabodu», «Jeŭrapiejski Vybar», «Niezaležnyja Biełarusy», «Vola», «Chopić Bajacca») vyrašyli źmianić statut Kaardynacyjnaj rady. Chutčej, nie źmianić, a prosta admianić stary i ŭvieści novy.
Hetamu supraciŭlajecca «apazicyja» — błok Prakopjeva-Jahorava, «Moładzievy nastup» i kamanda Rozy Turarbiekavaj «Naša sprava».
Jahoraŭ jak śpikier Kaardynacyjnaj rady druhoha sklikańnia adstojvaje stary statut, raspracavany pry im — ale ciapier jon prosta deputat, dy jašče i znachodzicca ŭ mienšaści, tamu niezrazumieła, jak pry hałasavańni moža zdabyć pieramohu.
Što adbyvajecca ciapier? Pravodzicca ŭnutranaje hałasavańnie ŭdzielnikaŭ Kaardynacyjnaj rady. Kaalicyja, sabranaja vakoł Łatuški, z pazicyi siły nastojvaje na svaich praviłach i svaim rehłamiencie. Vybary śpikiera taksama płanujuć pravodzić pa novaj formule.
«Uvohule situacyja dla nas jak dla «apazicyi» vielmi ciažkaja, bo albo ty hulaješ ź imi, albo nie hulaješ zusim», — pryznaje apazicyjny «Moładzievy nastup».
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary
Treba adnak zaŭvažyć, što zmusiŭ sumlennaha pradprymalnika pieratvarycca na palityka cisk režymu,