Žychar Homiela ŭkleiŭ u žanočaje paśviedčańnie invalida svajo fota i hod kataŭsia ŭ hramadskim transparcie
Mahčyma, karystaŭsia b im i dalej, kali b nie trapiŭsia na kradziažy.
Mužčyna ŭkleiŭ svajo fota ŭ žanočaje paśviedčańnie invalida i amal hod karystaŭsia biaspłatnym prajezdam u hramadskim transparcie. Mahčyma, karystaŭsia b i dalej, kali b nie trapiŭsia na kradziažy, piša belkagomel.by.
Hod tamu žychar Ziabraŭki znajšoŭ doma paśviedčańnie invalida I hrupy, jakoje naležała ŭžo daŭno pamierłaj siastry. Piensijanier ukleiŭ u dakumient svaju fatahrafiju i staŭ karystacca im pry pajezdkach u hramadskim transparcie.
Pakazvaŭ paśviedčańnie ŭ pryharadnych ciahnikach, u kasie aŭtavakzała, pry pravierkach u aŭtobusach i tralejbusach Homiela.
Pry hetym nivodny z rabotnikaŭ transpartu nie źviarnuŭ uvahi na nieadpaviednaść u dakumiencie mužčynskaj fatahrafii žanočamu imiu.
Šancavańnie skončyłasia, kali mužčyna skraŭ niekalki šakaładak u adnym z supiermarkietaŭ. Milicyjant, jaki pravodziŭ pieratrus, znajšoŭ u padazravanaha dziŭny dakumient i zadaŭ łahičnyja pytańni. U adkaz zatrymany prapanavaŭ chabar 100 rubloŭ, kab prybrać zhadku pra padrobku dakumienta sa spravy.
— Hrošy milicyjant nie ŭziaŭ, a ŭ dačynieńni da mužčyny zaviali adrazu dźvie kryminalnyja spravy — za padrobku paśviedčańnia i sprobu dačy chabaru.
Jak vynik, paŭtara hady chatniaj chimii.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary