Stała viadoma, chto toj «narmalny biełarus», jaki nabyŭ były «Makdonalds» u Biełarusi
U sietki restaranaŭ chutkaha charčavańnia Mak.by — novy ŭładalnik. Im stała kampanija «Kvolici Fud», jakaja naležyć biznesoŭcu z małočnaj haliny. Pra źmienu ŭłaśnika śviedčać źviestki adzinaha dziaržrehistratara jurydyčnych asob i indyvidualnych pradprymalnikaŭ, zaŭvažyła «Lusterka».
U Biełarusi pracu sietki Mak.by kuryruje «KSB Viktary Restarany», jakaja była franšyzaj McDonald's. Z kanca minułaha tydnia ŭłaśnikam «KSB Viktary Restarany» stała «Kvolici Fud».
Hetaja kampanija była zarehistravanaja hod tamu, śfieraj jaje dziejnaści značycca dziejnaść restaranaŭ. 90% akcyj «Kvolici Fud» naležać biznesmienu Alaksieju Saŭčuku, a 10% — dyrektarcy Mak.by Viktoryi Dańko.
Raniej «KSB Viktary Restarany» naležali «KSB Viktary Restarants PTIE. ŁTD» ź jurysdykcyjaj u Sinhapury, kampanijaj praz svaje jurydyčnyja asoby vałodali biznesmien z Kazachstana Kajrat Baranbajev i Viktoryja Dańko.
Da aktyvaŭ Alaksieja Saŭčuka adnosiać «Małočnyja horki», Exponenta, «Biełsyr», Maładziečanski miasakambinat «Akdymoł» i Kiraŭski charčovy kambinat. Biznesmien taksama inviestuje ŭ małakapierapracoŭčuju halinu Rasii.
Jon ukłaŭsia ŭ Trubčeŭski i Aktanyšski małočnyja kambinaty ŭ Branskaj vobłaści i Tatarstanie adpaviedna, nabyŭ u Biełharodskaj vobłaści vytvorčuju placoŭku i stvaryŭ kampaniju «Rovieński syrarob». Hod tamu Alaksiej Saŭčuk staŭ suinviestaram u jašče adnu vytvorčuju placoŭku ŭ Rasii — u Kukmorski małočny kambinat.
Taksama Alaksiej Saŭčuk u 2017 hodzie byŭ abrany kiraŭnikom spartyŭnaj fiederacyi pankratyjona i bajavych mastactvaŭ.
U studzieni hetaha hoda Alaksandr Łukašenka raskazaŭ, što źjaviŭsia pryvatnik, jaki hatovy kupić restarany eks-Mcdonald's. «Narmalny biełarus, u jakoha jość ułasnaść, hatovy raźvivać hetuju sietku», — zajaviŭ jon.
Ciapier čytajuć
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy5
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Nu i nazva restaranu, dzie 16-hadovym dziaŭčatam dajuć pa 10 hod turmy za 1 hram narkotykaŭ. https://d2accbiqacj5y8.cloudfront.net/344616/