Palitźniavolenaha žurnalista Dzianisa Ivašyna źmiaścili ŭ ŠIZA
Žurnalista Dzianisa Ivašyna adpravili ŭ ŠIZA turmy № 8 u Žodzina. Imavierna, tam jon sustreŭ svoj 45-hadovy jubilej. Suviazi z palitviaźniam niama ŭžo amal try tydni.
Pra pakarańnie Dzianisa Ivašyna z ułasnych krynic daviedaŭsia aktyvist Vitaŭt Siŭčyk — simvaličny «chrosny» žurnalista, piša BAŽ.
Pavodle dadzienych Siŭčyka, Ivašyna źmiaścili ŭ ŠIZA 21 traŭnia 2024 hoda na 10 sutak. 31 traŭnia termin pakarańnia pavinien byŭ skončycca, ale suviazi z palitviaźniam dahetul niama. Tamu Vitaŭt Siŭčyk vykazvaje zhadku, što žurnalist pa-raniejšamu zastajecca ŭ ŠIZA i, vierahodna, tam i sustreŭ svajo 45-hodździe 6 červienia.
Farmalnaja pryčyna pakarańnia, pavodle krynicy, — heta niepadparadkavańnie administracyi. «Nasamreč palitźniavolenaha žurnalista sprabavali pieravieści ŭ inšuju kamieru, dzie, ź vialikaj imaviernaściu, znachodziŭsia čałaviek «ź nizkim statusam». Dzianis admoviŭsia tudy zachodzić», — tłumačyć Siŭčyk.
«Nahodaj dla pieravodu nibyta stałasia rasfarmavańnie SIZA‑1 na Vaładarskaha, i etap častki viaźniaŭ ź Piščałaŭskaha zamka ŭ Žodzina. Ale kamiera, u jakoj Dzianis Ivašyn pierabyvaŭ dahetul, nie maje novych «žycharoŭ». Možna zrabić vysnovu, što temu pieravodu prosta vykarystali, kab napiaredadni dnia narodzinaŭ adpravić Dzianisa ŭ katavalniu karcara».
Raniej žonka Dzianisa Volha Ivašyna paviedamlała, što listy ad muža pierastali prychodzić ad 20 traŭnia.
«Padajecca, našaha vajara namahajucca psichałahična vybić z raŭnavahi, złamać čarhovymi katavańniami», — napisała jana.
Dzianisa nieadnarazova źmiaščali ŭ ŠIZA ŭ Mahiloŭskaj kałonii, a ŭ 2021 hodzie padčas znachodžańnia ŭ karcary Haradzienskaha SIZA ŭ palitviaźnia zdaryŭsia sardečny prystup.
Žurnalist asudžany na 13 hadoŭ i 1 miesiac źniavoleńnia za svaju prafiesijnuju dziejnaść.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii5
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1212
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Bajusia, spadar Ivašyn ździejśniŭ ŭčynak suprać vučeńniu intersekcyjanizmu i hiendernaj teoryi taksama.
A ja ŭ svaju čarhu chaču pažadać biaźvinnamu chutčejšaha vyzvaleńnia.