Hiermanija dazvoliła Ukrainie nanosić udary pa terytoryi Rasii niamieckaj zbrojaj. Ale jość niuans
Urad Hiermanii źniaŭ abmiežavańnie na prymianieńnie pieradadzienaj Ukrainie zbroi. Ciapier ukrainskija vajskoŭcy atrymali dazvoł nanosić hetaj zbrojaj udary pa terytoryi Rasii ŭ ramkach abarony Charkaŭskaj vobłaści, piša Bild.
«My pierakananyja, što Ukraina maje prava ŭ adpaviednaści ź mižnarodnym pravam abaraniacca ad napadaŭ [Rasii ŭ rajonie Charkava]. Ukraina moža vykarystoŭvać pastaŭlenuju dla hetaj mety zbroju ŭ adpaviednaści sa svaimi mižnarodna-pravavymi abaviazacielstvami, u tym liku i pastaŭlenuju nami», — zajaviŭ pres-sakratar urada Štefan Chiebiestrejt.
Pastanova ŭrada Hiermanii pryniataja adrazu ž paśla taho, jak prezident ZŠA Džo Bajden abviaściŭ, što Ukraina moža vykarystoŭvać pieradadzienuju joj amierykanskuju zbroju dla ŭdaraŭ pa terytoryi Rasii. Jak i ŭ vypadku ź niamieckaj zbrojaj, heta tyčycca tolki abarony Charkaŭskaj vobłaści.
Anałahičnyja rašeńni raniej pryniali Francyja i Vialikabrytanija.
Dla ŭdaraŭ pa rasijskaj armii na pryznanaj terytoryi Rasii mohuć prymianiacca dźvie niamieckija sistemy ŭzbrajeńniaŭ — samachodnaja haŭbica Panzerhaubitze 2000 i braniavanaja rakietnaja sistema załpavaha ahniu Mars II.
Pry hetym maksimalnaja zona paražeńnia celaŭ za miažoj składaje nie bolš za 40 kiłamietraŭ. Hiermanija nie śpiašajecca pieradavać Ukrainie dalnabojnuju zbroju — naprykład, rakiety Taurus z dalokaściu paražeńnia ŭ 500 kiłamietraŭ.
Bajden tajemna dazvoliŭ Ukrainie bić amierykanskaj zbrojaj pa terytoryi Rasii
Pieršyja ŭkrainskija piłoty zaviaršyli navučańnie pracy na źniščalnikach F-16 u ZŠA
Kitaj paśla pačatku vajennych dziejańniaŭ va Ukrainie byŭ hatovy pastavić Rasii zbroju pa prośbie Pucina
Francyja nakiruje va Ukrainu instruktaraŭ dla navučańnia miascovych vajskoŭcaŭ
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary