Žycharka Homiela piać hadoŭ zdymała i pradavała porna z ułasnymi dziećmi. Joj pahražaje vialiki termin
Zarabiła 47 tysiač rubloŭ.
36-hadovaja žančyna na praciahu piaci hadoŭ prymušała małaletnich syna i dačku ŭdzielničać u parnahrafičnych fotasiesijach. Detalami kryminalnaha złačynstva padzialiŭsia načalnik pieršaha śledčaha adździaleńnia Homielskaha haradskoha adździeła SK Viktar Siecki, piša newsgomel.by.
Žančyna z 2018 pa 2023 hod znajomiłasia anłajn z mužčynami — jak biełarusami, tak i zamiežnikami. Za hrošy jana dasyłała im svaje fota i videa parnahrafičnaha źmiestu. Paźniej daviedałasia, što za takija ž sceny, ale ź dziećmi hatovyja płacić utraja daražej, i pačała pryciahvać da zdymak syna i dačku.
Za piać hadoŭ žančyna paśpieła adpravić pornamateryjały bolš čym 300 čałaviekam. Akramia hetaha, jana pravodziła pryvatnyja anłajn-tranślacyi. Ahułam hamialčanka zarabiła bolš za 47 tysiač rubloŭ.
Kab prymusić dziaciej zdymacca ŭ porna, maci ŭžyvała roznaha rodu psichałahičnyja manipulacyi: zapałochvała, pahražała pazbavić telefonaŭ, hrošaj i prahułak. Mahła nie razmaŭlać z synam i dačkoj pa niekalki dzion. Baćka dziaciej, jak śćviardžajecca, pra heta ŭsio nie viedaŭ.
Ciapier žančyna znachodzicca pad vartaj. Joj vystaŭlenyja abvinavačvańni pa piaci artykułach KK: joj inkryminujuć raspusnyja dziejańni ŭ dačynieńni da asob, jakija nie dasiahnuli 16 hadoŭ, vykarystańnie małaletniaha ŭ vyrabie porna, dziejańni seksualnaha charaktaru, učynienyja ŭ dačynieńni da małaletniaha, zachoŭvańnie i raspaŭsiudžvańnie porna ŭ karyślivych metach. Pa niekatorych praduhledžana pakarańnie da 15 hadoŭ pazbaŭleńnia voli.
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary