Prezidentka Hruzii nakłała vieta na zakon ab «zamiežnych ahientach»
Pra svajo błakavańnie zakona, jaki moža značna abmiežavać demakratyju ŭ krainie i ŭžo vyklikaŭ maštabnyja pratesty hramadzian, prezidentka Hruzii Sałamie Zurabišvili paviedamiła padčas bryfinhu.
«Siońnia ja nakłała vieta na «rasijski zakon», jaki supiarečyć našaj Kanstytucyi, jeŭrapiejskim standartam i ŭjaŭlaje saboj pieraškodu na našym jeŭrapiejskim šlachu <…> Hety zakon pavinien być skasavany», — zajaviła Sałamie Zurabišvili.
Kiroŭnaja partyja «Hruzinskaja mara», jakaja inicyjavała razhlad zakona, praŭda, moža pieraadoleć vieta — dla hetaha joj treba nabrać peŭnuju kolkaść hałasoŭ deputataŭ.
U trecim čytańni zakon padtrymali 84 parłamientaryi, a, jak adznačaje Paper Kartuli, parłamient Hruzii ŭžo pieraadolvaŭ vieta prezidenta padčas pryniaćcia zakona ab sakretnaj śledčaj dziejnaści — tady dla hetaha spatrebiłasia 79 hałasoŭ.
Lidar kiroŭnaj u Hruzii partyi «Hruzinskaja mara» Iraklij Harybašvili krychu raniej zajaŭlaŭ, što jahonaja partyja hatovaja da dyjałohu adnosna hetaha zakona.
«Kamanda hatovaja da dyskusii i, kali pracedurna niama inšaha vyjścia, vieta stanie vychadam. U ramkach vieta mahčyma znajści vychad, jaki razradzić hetuju abstanoŭku», — skazaŭ jon.
Zakon «Ab prazrystaści zamiežnaha ŭpłyvu» byŭ pryniaty parłamientam Hruzii 14 traŭnia. Razhlad zakona supravadžaŭsia masavymi akcyjami pratestu, jakija žorstka razhaniali miascovyja siłaviki.
Parłamient Hruzii kančatkova zaćvierdziŭ zakon ab «zamiežnych ahientach». Deputaty paśpieli pabicca
Pratestoŭcy źbirajucca la parłamienta Hruzii ŭ dzień apošniaha hałasavańnia pavodle zakona ab zamiežnych ahientach
Na pratest u Tbilisi suprać «zakona ab inšahientach» vyjšła 200 tysiač čałaviek
«Adkažuć pa zakonie». Ułady Hruzii pačali farmavać śpis pratestoŭcaŭ suprać zakona ab zamiežnych ahientach
Ciapier čytajuć
Čym zajmalisia supracoŭniki Akreścina da taho, jak uznačalić miesca katavańniaŭ biełarusaŭ?2
Kamientary
A ty? Tožie pišieš jerundu, potomu čto pozvonili/napisali kuratory?)