Pratestoŭcy źbirajucca la parłamienta Hruzii ŭ dzień apošniaha hałasavańnia pavodle zakona ab zamiežnych ahientach
Deputatam kiroŭnaj «Hruzinskaj mary», što źjaŭlajecca inicyjataram prajekta, siońnia znoŭ treba budzie dabiracca da pracy praz palicejskija kardony.
Pratestoŭcy źbirajucca la parłamienta Hruzii, dzie siońnia płanujuć pryniać zakon anałaničnamu rasijskamu ab zamiežnych ahientach u trecim i kančatkovym čytańni, piša newsgeorgia.ge.
Demanstranty skancentravany va ŭsich słužbovych uvachodaŭ u budynak zakanadaŭčaha orhana — na vulicach Žvanija, Čyčynadze i Čytadze. Deputatam kiroŭnaj «Hruzinskaj mary», što źjaŭlajecca inicyjataram prajekta, siońnia znoŭ treba budzie dabiracca da pracy praz palicejskija kardony.
Opposition MPs putting out EU and Geo flags at the side back part of the parliament where the protesters are gathering to protest foreign agents bill which parliament gone vote for in the third and last plenary session. pic.twitter.com/krqfp3hrc4
Na miescy mabilizavana vialikaja kolkaść patrulnaj i kryminalnaj palicyi. U dvary parłamienta raźmieščany śpiecnaz.
Siońnia ŭ zakanadaŭčym orhanie dziejničaje žoŭty ŭzrovień biaśpieki. Supracoŭnikaŭ aparata puskajuć tolki paśla pakazvańnia paśviedčańniaŭ. Sa ŚMI ŭnutr dapuskajuć tolki teležurnalistaŭ.
Palicyja adciskaje ŭdzielnikaŭ mitynhu ad uvachodaŭ. Dahetul jakich-niebudź surjoznych incydentaŭ nie zafiksavana. Pasiadžeńnie parłamienta pryznačanaje na 11 hadzin pa minskim časie.
U najbližejšy čas šeście da parłamienta pačnuć studenty. Navučency 50 hruzinskich VNU abviaścili strajk z paniadziełka. Jany abiacajuć, što nie viarnucca ŭ aŭdytoryi datul, pakul zakon nie adkličuć.
Zaraz jany źbirajucca na roznych łakacyjach la svaich VNU. Adtul jany nakirujucca da Tbiliskaj fiłarmonii, a dalej — na praśpiekt Rustavieli.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary