Premjer-ministr Słavakii Robiert Fica, na jakoha ŭ sieradu byŭ ździejśnieny zamach, praapieravany, adnak pra jaho stan pastupajuć supiarečlivyja źviestki.
Uviečary paviedamlałasia, što 59-hadovaha Fica apieravali bolš za try hadziny, jon znachodzicca ŭ krytyčnym stanie, i daktary zmahajucca za jaho žyćcio.
«Premjer-ministr znachodzicca ŭ krytyčnym stanie, jaho žyćciu pahražaje niebiaśpieka, i jon usio jašče ŭ apieracyjnaj», — skazaŭ žurnalistam kiraŭnik MUS krainy.
Adnak u efiry Bi-bi-si vice-premjer Słavakii Tomaš Taraba skazaŭ, što praviedzienyja daktarami mierapryjemstvy prajšli paśpiachova, i pahrozy dla žyćcia niama.
«Nakolki mnie viadoma, apieracyja prajšła dobra. Dumaju, što ŭrešcie jon vyžyvie, — skazaŭ Taraba. — Na hety momant jahonaje žyćcio nie znachodzicca pad pahrozaj».
Zamach na Robierta Fica adbyŭsia ŭ sieradu dniom paśla vyjaznoha pasiadžeńnia ŭrada. Kali premjer padyšoŭ da miascovych žycharoŭ, 71-hadovy Juraj Cintura streliŭ u jaho niekalki razoŭ. Premjera terminova dastavili viertalotam u Banska-Bystrycu.
Zamach na premjera Słavakii — jaho stan vielmi ciažki
«Roba, idzi siudy». Premjera Słavakii buduć terminova apieravać paśla zamachu
Stała viadoma, chto stralaŭ u słavackaha premjera Fica
Premjeru Słavakii paśla zamachu zrabili paśpiachovuju apieracyju
Ułady Słavakii śćviardžajuć, što Fica jašče apieryrujuć i stan krytyčny
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni37
Kamientary