Dyrektarku vilenskaj drukarni vinavacili ŭ tym, što jana musiła dapamahčy vyjechać ź Biełarusi «rejkavym partyzanam».
Alesi Bunievič 34 hady. Rodam jana z Maładziečna, dzie žyła da 2021 hoda. U Biełarusi mieła nievialikuju turfirmu, a paśla pierajezdu ŭ Vilniu stała suzasnavalnicaj drukarni i kramy A2 Print. U krasaviku 2022 Alesia časova viarnułasia ŭ Biełaruś.
Nieŭzabavie jaje zatrymali. Alesiu abvinavacili ŭ tym, što jana musiła dapamahčy «rejkavym partyzanam» Jaŭhienu Minkieviču, Dźmitryju Klimavu, Uładzimiru Aŭramcavu vyjechać ź Biełarusi.
Spačatku jaje vinavacili ŭ «ździajśnieńni terarystyčnaha akta hrupaj asob pa papiaredniaj zmovie», ale paśla spravu pierakvalifikavali na «naŭmysnaje niezakonnaje pierasiačeńnie miažy arhanizavanaj hrupaj» (č. 3 art. 371 KK RB).
Pra heta stała viadoma ź filma BT. Sama Bunievič, imavierna, admoviłasia davać intervju Lebiedzievaj — zamiest jaho ŭ filmie pakazvali kavałki śledčaha ekśpierymientu.
Sud nad Alesiaj Bunievič adbyŭsia 17 listapada 2022 hoda. Joj prysudzili try z pałovaj hady kałonii. Ale na apielacyi, jakaja prajšła 31 studzienia 2023-ha, prysud źmienšyli na hod.
Bunievič vyzvaliłasia pa skančeńni termina 3 maja 2024. Praz toje, što ŭ artykule fihuruje «ździajśnieńnie złačynstva arhanizavanaj hrupaj», joj pryznačyli previentyŭny nahlad na hod.
Heta značyć, što joj nielha vyjazdžać ź Biełarusi, treba rehularna adznačacca ŭ milicyi, taksama mohuć nakładacca inšyja abmiežavańni (naprykład, nie chadzić u miescy, dzie pradajuć ałkahol). U Vilni ŭ Alesi zastalisia muž i niepaŭnaletni syn.
«Naša Niva» — bastyjon biełaruščyny
PADTRYMAĆ
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary