Žychar Ratamki vyrašyŭ spalić śmiećcie na ŭčastku — atrymaŭsia vielizarny słup dymu i vialiki štraf
Susiedzi vyklikali dziaržlesaachovu.
Žychar Ratamki pad Minskam vyrašyŭ spalić śmiećcie na ŭłasnym učastku, jaki raźmieščany pobač ź lesam.
Susiedzi pa dačnym pasiołku 13 maja ŭbačyli vielizarny słup hustoha dymu, jaki padymaŭsia ŭ nieba. Jany padumali, što zahareŭsia les, i vyklikali supracoŭnikaŭ dziaržlesaachovy, paviedamlaje Minlashas.
Śpiecyjalisty pierakanalisia, što pažaru ŭ lesie niama. Krynicaj dymu była kuča śmiećcia, jakuju vyrašyŭ spalić žychar Ratamki.
Pry hetym jon nie ŭličyŭ, što jaho ŭčastak znachodzicca ŭ miežach lasnoha masivu, u jakim abjaŭleny treci kłas pažarnaj niebiaśpieki.
Supracoŭniki lesaachovy patušyli ahoń i skłali na miascovaha žychara administracyjny pratakoł. Jamu pahražaje štraf da 1200 rubloŭ za parušeńnie patrabavańniaŭ pa zabieśpiačeńni pažarnaj biaśpieki ŭ lasach.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary