Palitviazień Andrej Parotnikaŭ nie pryznaje viny ŭ «zdradzie dziaržavie»
Sprava zasnavalnika i kiraŭnika analityčnaha centru Belarus Security Blog Andreja Parotnikava ruchajecca da suda. Pra heta daviedałasia «Radyjo Svaboda» ad kampietentnaj krynicy, jakaja prasiła nie nazyvać jaje dziela biaśpieki.
Palitviazień Andrej Parotnikaŭ. Fota: Radyjo Svaboda
Pavodle krynicy «Radyjo Svaboda», Andreja Parotnikava vinavaciać u zdradzie dziaržavie, ale jon pa-raniejšamu svajoj viny nie pryznaje.
«Usie prykmiety takija, što śledčyja dziejańni zaviaršajucca i chutka budzie pryznačany sud», — paviedamiŭ surazmoŭca «Svabody», ale admoviŭsia paviedamić detali, spasłaŭšysia na zachady biaśpieki.
Pra ŭmovy, u jakich trymajuć Andreja Parotnikava, viadoma niašmat. Krynica paviedamiła, što Andreja vyvodziać na prahułki, jon atrymlivaje pieradačy i listujecca sa svajakami.
«Sa zdaroŭjem, zdajecca, nie tak kiepska, trymajecca», — dadaŭ surazmoŭca.
Vajskovy analityk Andrej Parotnikaŭ byŭ aryštavany ŭ sakaviku 2023 hoda, i z taho času jaho trymajuć u SIZA KDB. Paśla jahonaha zatrymańnia z aficyjnych krynic stała viadoma, što jaho padazrajuć u «zdradzie dziaržavie». Za heta Parotnikavu pahražaje da 15 hadoŭ źniavoleńnia.
Pavodle krynic, doŭhi čas śledčych dziejańniaŭ pa spravie Andreja Parotnikava ź jahonym udziełam nie viałosia, ale ŭ 2024 hodzie śledčyja aktyvizavalisia.
U vieraśni 2023 hoda biełaruskija pravaabaroncy pryznali kiraŭnika analityčnaha centru Belarus Security Blog Andreja Parotnikava palitviaźniem.
Andrej Parotnikaŭ zamoviŭ sabie ŭ SIZA KDB padručnik ispanskaj movy
KDB vioŭ «ahienturnyja hulni» z udziełam Parotnikava paśla taho, jak «Naša Niva» paviedamiła pra jaho zatrymańnie
Prapahanda vypuściła film pra analityka Andreja Parotnikava i pakazała, jak zapisvali razmovy ź jaho telefona
Paćvierdziłasia zatrymańnie analityka Andreja Parotnikava
Mahčyma, zatrymany analityk Andrej Parotnikaŭ
Kamientary