Łatuška zaklikaŭ Cichanoŭskuju padtrymać vybary ŭ Kaardynacyjnuju radu
«Nam važna stvaryć pradstaŭničy orhan biełaruskaha hramadstva».
Pavieł Łatuška zaklikaŭ Śviatłanu Cichanoŭskuju padtrymać vybary ŭ Kaardynacyjnuju radu. Zajava prahučała ŭ efiry telekanała «Biełsat», źviarnuŭ uvahu Reform.news.
«Dla nas važnaja vaša palityčnaja zajava, vaša sistemnaja padtrymka pieršych svabodnych pramych vybaraŭ u pradstaŭničy orhan biełarusaŭ. Ludzi, jakija pajšli na hetyja vybary, jany čakajuć vašaj padtrymki. Nam važna stvaryć pradstaŭničy orhan biełaruskaha hramadstva, adzin ź instytutaŭ, jaki — ja jak palityk liču, — padtrymaje i budzie dalej padtrymlivać prezidentku-elekt Śviatłanu Cichanoŭskuju. Budzie ŭmacoŭvać vykanaŭčy orhan demakratyčnych sił biełaruskaha hramadstva-Abjadnany pierachodny kabiniet. My raźličvajem na vašu padtrymku. Hety instytut — heta asnova, padmurak dalejšaj našaj baraćby za pieramieny ŭ Biełarusi», — zajaviŭ jon.
25 krasavika byli zaćvierdžany 12 śpisaŭ kandydataŭ u novy skład Kaardynacyjnaj rady. U kamandy Łatuški — samy pradstaŭničy śpis, z 48 čałaviek.
Hałasavać možna budzie jak ź Biełarusi, tak i z-za miažy. Za techničny bok vybaraŭ adkazvaje kamanda Paŭła Libiera, suzasnavalnika prajekta «Novaja Biełaruś». Vyniki vybaraŭ abiacajuć abviaścić 8 červienia, a pieršaje pasiadžeńnie novaha sklikańnia Kaardynacyjnaj rady płanujecca pravieści 15 červienia.
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary