Rasijskaje MUS paśla rozhałasu pierastała šukać Zialenskaha i Parašenku
Dziejnaha prezidenta Ukrainy Uładzimira Zialenskaha i byłoha Piatra Parašenki bolš niama ŭ servisie vyšuku na sajcie MUS Rasii, źviarnuła ŭvahu «Miediazona».
Kartki vyšuku ŭkrainskich palitykaŭ źnikli z servisu nieŭzabavie paśla taho, jak 4 traŭnia ich vypadkova znajšli supracoŭniki Dziaržaŭnaha ahienctva «RIA Novosti». Ciapier pa ankietnych danych i Zialenskaha, i Parašenki sajt vydaje nul vynikaŭ.
Vyjaviłasia, što abodvuch prezidentaŭ Ukrainy dadała ŭ vyšuk dziažurnaja častka MUS Rasii ŭ akupavanaj Danieckaj vobłaści — jaje numar byŭ paznačany ŭ kantaktnaj infarmacyi. Adbyłosia heta nie paźniej za 22 lutaha, ale kartki vyšuku zaŭvažyli tolki ŭ pačatku maja.
Paśla taho jak kartki vyjavili, 6 maja rasijskaje MUS vystupiła ź niecharakternym dla viedamstva kamientarom, što jano, maŭlaŭ, było tolki «techničnym vykanaŭcam» pry abjaŭleńni ŭ vyšuk: «U hetym vypadku rašeńnie ab abjaŭleńni ŭ vyšuk i ab jaho spynieńni prymajecca SK Rasii i jaho terytaryjalnymi padraździaleńniami».
Nieŭzabavie paśla hetaha kartki prybrali z sajta MUS.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary