Ci pravilna, kali padletak padaje ŭ sud na baćkoŭ? U tyktoku razharelisia burnyja dyskusii
Hamialčanka skazała svajmu synu, što toj toŭsty. Toj padaŭ na jaje ŭ sud. I vyjhraŭ! Hetaja navina vyklikała burnaje abmierkavańnie. Kamientatary razyšlisia ŭ mierkavańniach. A na čyim baku vy?
Rolik u tyktoku z navinoju pra toje, što ŭ adkaz na zaŭvahu maci i ŭmiašalnictva ajčyma apošni padaŭ na ich u sud i vyjhraŭ spravu, vyklikaŭ šmat palarnych kamientaroŭ.
Udakładnim, što ajčym, pa zaklučeńni suda, nanios chłopcu lohkija cialesnyja paškodžańni — mocna nakruciŭ vucha. Mienavita mužčynu aštrafavali na 1200 rubloŭ. U padrychtoŭcy pozvy synu dapamoh jaho rodny baćka.
Ci pravilna zrabiŭ padletak?
Častka kamientataraŭ ličyć, što dzieci pavinny pavažać baćkoŭ, asudžajuć učynak chłopca i padtrymlivajuć mietady vychavańnia ajčyma.
Asobnyja paraŭnoŭvajuć učynak chłopca z učynkam Paŭlika Marozava, prapanujuć baćkam ad jaho admovicca i addać u dziciačy dom.
Da taho ž, jak pišuć u kamientarach, štraf budzie vypłačany ź biudžetu siamji, što adabjecca i na samim chłopcu.
Niekatoryja ličać, što baćka zrabiŭ niapravilna, umiašaŭšysia ŭ čužuju siamju, i ciapier, paśla taho, što zdaryłasia, jon pavinien uziać chłopca da siabie.
Zaŭvažna, što kamientaroŭ u padtrymku chłopca nie tak i šmat. Ludzi dapuskajuć, što ŭ siamji mahli być napružanyja, taksičnyja adnosiny, asudžajuć ajčyma, jaki padniaŭ ruku na pasynka.
A jakoje vaša mierkavańnie?
Ciapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary