Mahiloŭskich studentaŭ pałochajuć śpisam «ekstremisckich» resursaŭ, ale jość adno «ale»
Prapahandysty prapanujuć im vykarystoŭvać braŭzarnaje pašyreńnie «Stop ekstremizm», jakoje nasamreč źjaŭlajecca trajanam.
Tak zvanyja «infarmacyjnyja hadziny» pad nahladam kurataraŭ pieršakurśnikaŭ užo prajšli ŭ Mahiloŭskim univiersitecie charčovych i chimičnych technałohij, u Horackaj sielhasakademii i ŭ jačejkach dziaržprafsajuzaŭ pa ŭsioj Mahiloŭskaj vobłaści, piša Mayday.team
Lekcyju pad nazvaj «Fejki: jak razabracca ŭ praŭdzivaści infarmacyi» pravodzić zahadčyca adździaleńnia infarmacyjnaha manitorynhu i analityki tak zvanaha «Mahiloŭskaha abłasnoha infacentra» (pa sutnaści, heta prapahandysckija «Mahiloŭskija viedamaści») Alena Šepieleva. Raniej Šepieleva pracavała zahadčykam adździeła markietynhu Haradskoj biblijateki imia Karła Marksa, ale ŭ 2021 hodzie atrymała haradskuju premiju «Dasiahnieńnie» i pajšła ŭ prapahandysty.
Ciapier jana raskazvaje moładzi pra «pieralik dakładnych dziaržaŭnych krynic infarmacyi» i pałochaje śpisam «ekstremisckich» resursaŭ, za prahlad jakich možna trapić u turmu. Jana nastojliva rekamienduje studentam i rabočaj moładzi karystacca stvoranym siłavikami ŭ sakaviku hetaha hoda braŭziernym pašyreńniem «Stop ekstremizm», jakoje pavinna papiaredžvać karystalnikaŭ, što resursy, jakija adkryvajucca, uniesieny ŭ śpis ekstremisckich materyjałaŭ.
Adnak IT-admysłoŭcy vyśvietlili, što pry ŭstanoŭcy pašyreńnia častka karystačoŭ Windows vyjaŭlaje ŭ archivie trajan Wacatac, heta značyć, škodnasnuju prahramu, jakaja moža zahružać i ŭstaloŭvać inšyja prahramy albo zapisvać naciski kłaviš.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary