U Rasii zarehistravali anałah «Śpinrazy» — adnaho z samych darahich lekaŭ u śviecie
U Rasii zarehistravany anałah preparata «Śpinraza» pad nazvaj «Łantesens», vypuskać jaki budzie kampanija «Hienieryum», piša «Farmvieśnik».
U rasijskim Dziaržrejestry lekavych srodkaŭ 15 krasavika źjaviŭsia zapis ab rehistracyi preparata «Łantesens». Jaho asnoŭnaje rečyva — nusiniersien.
Preparat pryznačany dla lačeńnia śpinalnaj myšačnaj atrafii (SMA) i budzie vyrablacca va Uładzimirskaj vobłaści. Aryhinalny preparat «Śpinraza« byŭ zarehistravany kampanijaj Biogen. Jaho košt prykładna $125 tys. za adnu injekcyju, jakich treba šeść.
«Łantesens» — pieršy i adziny ŭ Rasii łakalizavany preparat dla lačeńnia śpinalnaj myšačnaj atrafii. Zarehistravany košt składaje $546 tys. za ŭpakoŭku — heta krychu tańniej za aryhinał abo ŭ čatyry razy za bolš sučasny anałah «Zołhiensma», jaki kaštuje $2,125 młn.
Kamientary