Prypyniajuć vychad jutub-kanały «Ministerstva siepultury» i Hodasevich-LIVE
Pra prypynieńnie vychadu papularnaha jutub-kanała «Ministerstva siepultury» paviedamiŭ u sacsietcy Ch jahony aŭtar, žurnalist i piśmieńnik Alaksandr Čarnucha. U toj ža čas spartyŭny žurnalist Mikałaj Chadasievič zajaviŭ, što siońniašni vypusk jahonaha prajekta Hodasevich-LIVE taksama budzie pakul apošnim.
«Siabry, važnaja abviestka! Ministerstva siepultury na paŭzie. Pakul nie mahu skazać dakładna, kali vierniecca prajekt, ale spadziajemsia, što paŭza nie budzie doŭhaj», — napisaŭ Alaksandr Čarnucha.
Pryčyny prypynieńnia prajekta Čarnucha nie patłumačyŭ, adznačyŭšy tolki, što «ciapier u mianie bahata volnaha času, tamu ja pačynaju šukać pracu».
Jutub-kanał «Ministerstva siepultury», na jaki padpisanyja amal 9 tysiač čałaviek, byŭ pryśviečany biełaruskaj muzycy. U im Alaksandr Čarnucha siarod inšaha znachodziŭ siły z tonkim humaram skłaści dyskahrafiju siaścior Hruździevych, raskazvaŭ pra zahadki hurta «Drazdy», ale pry hetym radavaŭsia biełaruskaj Bjork i znajomiŭ z bahami biełaruskaha mietału. Apošni siužet na kanale źjaviŭsia try tydni tamu.
Kanał Hodasevich-LIVE vychodziŭ kala 5 hadoŭ, jon maje kala 28 tysiač padpisčykaŭ i pryśviečany prablemam biełaruskaha futboła.
Mikałaj Chadasievič spynieńnie jahonaj pracy patłumačyŭ mientalnaj stomlenaściu i tamu nieabchodnaściu paŭzy, ale siarod inšaha zhadaŭ i pra finansavyja ciažkaści.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary