Dla pašyreńnia padychodaŭ da Bałtyki dla biełaruskich hruzaŭ treba $1,7 młrd
Rasijskaja čyhunka maje namier pašyryć čyhunačnyja padychody da bałtyjskich partoŭ za 156 młrd rub. (kala 1,7 młrd dołaraŭ), kab zabiaśpiečyć pieravałku 20 młn ton biełaruskich hruzaŭ u porcie Bronka. Adkul buduć uziatyja hetyja srodki, pakul niezrazumieła: u inviestprahramie ich niama, piša «Kommiersant».
Rasijskaja čyhunka aceńvaje inviestycyi, nieabchodnyja dla raźvićcia padychodaŭ da paŭnočna-zachodnich partoŭ dla ekspartu biełaruskaj pradukcyi, u 156,3 młrd. rub., vynikaje z materyjałaŭ kampanii, jakija bačyŭ «Kommiersant». Hetyja srodki patrebny dla raźvićcia ŭčastka Bacieckaja-Bronka, što dazvolić ekspartavać praz port Bronka ŭ Lenvobłaści 20 młn ton biełaruskich hruzaŭ.
U inviestprahramie RČ užo ŭličany mierapryjemstvy na 15,1 młrd rub. da 2026 hoda — heta raźvićcio ŭčastkaŭ Zaviarežža — Bacieckaja, Zaviarežža — Dno — Pskoŭ — Łuha, Siarednierahackaja — Bronka. Adnak nieabchodny jašče srodki, nie praduhledžanyja ŭ inviestprahramie.
Heta budaŭnictva 75-kiłamietrovaha paŭdniova-zachodniaha abychodu Pieciarburha. Budoŭlu płanujuć zaviaršyć u 2028 hodzie.
Paśla zakryćcia bałtyjskimi krainami svaich partoŭ dla Biełarusi biełaruskija ŭłady šukajuć vyjście praz Rasiju, u jakoj nie chapaje mahutnaściaŭ dla biełaruskich hruzaŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary