Kniha «Šlach Pałka» dastupnaja dla prodažu ŭ kolkaści ŭsiaho 100 štuk. Vydańnie ŭ ćviordaj vokładcy z bolš za 130 staronak źmiaščaje ŭ sabie pracu vajenkaraŭ Pałka, unikalnyja fatahrafii z asabistych archivaŭ bajcoŭ i ich uspaminy.
Pačynajučy z 18 krasavika knihu možna kupić, zrabiŭšy danat u pamiery 100$ na metavy rachunak. Adras dastaŭki i skrynšot apłaty treba vysłać u asabistyja paviedamleńni ŭ sacyjalnych sietkach Pałka ŭ instahramie.
Srodki ad prodažu knihi pojduć na zakupku hruzavych kvadracykłaŭ dla bajcoŭ.
U prajekt pa stvareńni knihi była ŭciahnutaja vialikaja hrupa ludziej z samoha Pałka. Na aŭtsors takuju pracu addać niemahčyma z-za mierkavańniaŭ pryvatnaści — šerah fatahrafij patrabavaŭ «blura» asob i śpiecyjalnaj apracoŭki. Tamu na stvareńnie alboma spatrebilisia miesiacy. Pajšoŭ čas na zbor i ŭdakładnieńnie detalaŭ niekatorych histaryčnych padziej. Fotamateryjał adbiraŭsia z tysiač kadraŭ. Nie ŭsie fota idealnaj jakaści, tamu što zroblenyja jany bajcami, što nazyvajecca, «na chadu».
«Pasprabavali dać mahčymaść čytaču krychu «pažyć» žyćciom biełaruskich dobraachvotnikaŭ, prajści za imi ad horada da horada, pryblizna adčuć duch ryzyki, vajny, braterstva, a jašče pieražyć momanty pośpiechaŭ, padtrymki i honaru. Hałoŭnaje, viadoma, budzie raskazana i pakazana paśla pieramohi. Adnak siońnia heta, mabyć, adzinaja poŭnaja historyja Pałka. Tamu knihu možna ličyć kaštoŭnym histaryčnym artefaktam», — kaža pradstaŭnik pres-słužby Pałka.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary