U Biarozaŭskim rajonie zhareŭ dom šmatdzietnaj siamji. Čaćviora dziaciej zahinuli
Małodšamu było 2 miesiacy, starejšamu — 6 hadoŭ. Raspačataja kryminalnaja sprava.
Trahiedyja adbyłasia ŭ vioscy Jastrabiel Biarozaŭskaha rajona. Pra heta paviedamiŭ telehram-kanał kamisii pa spravach niepaŭnaletnich Homielskaha harvykankama «Terytoryja supracoŭnictva».
Kala 14.20 14 krasavika ŭ MNS pastupiła paviedamleńnie pra pažar u žyłym domie.
Ratavalniki, jakija prybyli na miesca, vyjavili čatyroch zahinułych niepaŭnaletnich va ŭzroście ad 2 miesiacaŭ da 6 hadoŭ. Usiaho ŭ siamji vychoŭvałasia piaciora dziaciej.
Z ahniu vyratavalisia 37-hadovaja maci zahinułych dziaciej i jaje 4-hadovaja dačka, jakaja sama zmahła vyjści z pałajučaha doma. Paciarpiełyja trapili ŭ balnicy. Pryčyny pažaru vyśviatlajucca.
Śledčy kamitet raspačaŭ kryminalnuju spravu pavodle č. 3 art. 304 KK (Parušeńnie patrabavańniaŭ pažarnaj biaśpieki, što paciahnuła pa nieaściarožnaści śmierć čałavieka).
Kamientary