«Bili ŭsim kabinietam». Palitźniavolenaja pieradała list na kavałku tualetnaj papiery pra katavańni
Krynicy «Biełsatu» pieradali redakcyi list ad palitźniavolenaj Kaciaryny Novikavaj. Na kavałku tualetnaj papiery Kaciaryna apisała svajo zatrymańnie i dalejšaje źniavoleńnie.
Kaciarynu Novikavu zatrymali napačatku leta 2023 hoda. Jaje schapili ŭ adnoj načnušcy, u jakoj jana znachodziłasia ŭ SIZA da pieršaj pieradačy ad rodnych.
Kaciarynu Novikavu, pavodle źviestak «Viasny», sudzili pavodle siami artykułaŭ, ad «Raspalvańnia varožaści» da «Hvałtu suprać milicyjanta». Praces viała sudździa Alena Šylko, u vyniku prysudzili 6 z pałovaj hodoŭ źniavoleńnia i štraf 3000 biełaruskich rubloŭ, jakija jana maje vypłacić u jakaści kampiensacyi «paciarpiełym».
U liście na kavałku tualetnaj papiery jana piša, što pry zatrymańni jaje biŭ supracoŭnik HUBAZiK Ivan Vasilevič, zatym u štabie HUBAZiK na Revalucyjnaj, 3, jaje «stavili na ściah, bili ŭsim kabinietam». Skazali, što bjuć za jejnyja intervju, za Telegram-kanał i za jejnyja zvaroty.
Listy joj amal nie dachodziać. Novikava piša taksama, što «malunki zabaranili».
«Ja ŭpała z druhoha pavierchu łožka, hałavoj ab draŭlanuju palicu, — raskazvaje źniavolenaja. — Zdymak zrabili, ale bolš za miesiac nie paviedamlajuć vynik».
Novikava piša, što paciarpiełymi ŭ jejnaj spravie vystupajuć tyja, ad kaho jana sama paciarpieła ŭ 2020 hodzie. Sudździa i prakuror, zhadvaje jana, «tapili za Łu» (aktyŭna vystupali za Alaksandra Łukašenku) i źnievažali jaje, jak mahli.
Jana taksama padazraje, što syn jejnaj pieršaj advakatki pracuje na HUBAZiK, dvuch svaich advakataŭ jana nazyvaje «nijakimi».
«Kali vypadkova natrapić na lusterka, nie moža pavieryć, što jaho daviało da takoha stanu» — ziać pra źniavolenaha Ryhora Kastusiova
Žychara Bresckaj vobłaści prysudzili da 5 hadoŭ kałonii pa 5 kryminalnych artykułach
Asudžanaha na 20 hadoŭ Uładzimira Hundara znoŭ na hod pazbavili praduktovaj pieradačy
Ciapier čytajuć
Aryštavany dyrektar Pałaca Respubliki, adzin z arhanizataraŭ Marafona adzinstva10
Kamientary