«Viasna»: Alaksandr Kulinič nie byŭ pryznany palitviaźniem, ale heta niavažna
Pravaabarončy centr «Viasna» z nahody śmierci za kratami Alaksandra Kuliniča zajaviŭ, što farmalna hetaha čałavieka nie było ŭ śpisie asob, pryznanych palitviaźniami, ale heta tolki tamu, što pravaabaroncy nie mieli infarmacyi pra jahony pieraśled.
Biezumoŭna, Alaksandr Kulinič źjaŭlaŭsia palitviaźniem, padkreślivaje «Viasna». I takim čynam, heta ŭžo šosty palitźniavoleny, jaki pamior za kratami.
Pieršy viadomy vypadak śmierci palitviaźnia za kratami — śmierć 50-hadovaha aktyvista ź Biarozaŭki Vitolda Ašurka 21 traŭnia 2021 hoda ŭ škłoŭskaj kałonii № 17.
7 traŭnia 2023 hoda ŭ viciebskaj kałonii № 3 pamior 61-hadovy palitźniavoleny błohier i hramadski aktyvist ź Pinska Mikałaj Klimovič.
Nočču 11 lipienia 2023 hoda ŭ reanimacyi pamior 57-hadovy palitźniavoleny mastak Aleś Puškin. U jaho była prabadnaja jazva, jamu svoječasova nie akazali dapamohu ŭ hrodzienskaj turmie №1.
U noč na 9 studzienia ŭ kałonii «Vićba» ad pnieŭmanii pamior 50-hadovy palitviazień Vadzim Chraśko.
U lutym u kałonii pamior palitviazień Ihar Lednik — jon mieŭ invalidnaść 2-j hrupy praz prablemy z sercam, adnak jamu ŭsio adno pryznačyli 3 hady kałonii za «paklop na Łukašenku».
U bresckim SIZA pamior abvinavačany ŭ abrazie Łukašenki. Zaŭtra jamu mahło b spoŭnicca 52 hady
«Pastaŭcie čarku na mahile mnie». Syn pamierłaha palitviaźnia Lednika pra apošniuju razmovu z baćkam
Leanid Sudalenka: Što my budziem rabić, kali adnojčy ranicaj daviedajemsia, što nobieleŭski łaŭreat Aleś Bialacki pamior u turmie?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary