Raseł Kuk prabieh praz usiu Afryku za 352 dni.
Raseł Kuk prabieh ad samaj paŭdniovaha da samaha paŭnočnaha punkta Afryki bolš za 16 tys. km. Pavodle jaho słoŭ, jon chacieŭ spravicca ź psichičnymi prablemami i zaležnaściami, piša Bi-bi-si.
Marafon zaniaŭ 352 dni i zaviaršyŭsia ŭ Tunisie. Pieršapačatkova Kuk płanavaŭ prabiehčy z Tunisa ŭ PAR dystancyju 360 marafonaŭ za 240 dzion biez vychodnych, ale jamu heta nie ŭdałosia praz adsutnaść ałžyrskaj vizy.
Tady jon vyrašyŭ adpravicca 22 krasavika z samaha paŭdniovaha punkta Paŭdniovaj Afryki na poŭnač praz 16 krain. Usiaho jon pieraadoleŭ 16,3 tys. km.
U darozie ŭ brytanca adbyłosia niekalki vymušanych prypynkaŭ.
U červieni ŭ Anhole ŭ Kuka i jaho siabraŭ skrali hrošy i dakumienty, u Nihieryi jamu daviałosia źviarnucca da daktaroŭ z-za drennych analizaŭ i bolaŭ u śpinie i ŭ vyniku źnizić temp i skaracić dystancyju, jakuju jon prabiahaŭ kožny dzień. Pieršy vychadny jon uziaŭ praz 45 dzion. Praz Sacharu Kuk bieh nočču.
Brytaniec kazaŭ, što pakutuje psichičnymi prablemami, zaležnaściu ad ałkaholu i azartnych hulniaŭ i chacieŭ hetym marafonam «źmianić situacyju».
Padčas zabiehu Kuk sabraŭ kala £700 tys. na dabračynnaść.
Pry hetym nie ŭsie pahadzilisia ź mierkavańniem, što Kuk pieršym prabieh praz usiu Afryku. U pryvatnaści, World Runners Association, u jakuju ŭvachodziać siem viadomych ultramarafoncaŭ, zajaviła, što pieršym heta zrabiŭ datčanin Jeśpier Ołsien u 2010 hodzie, choć toj prabieh ad jehipieckaj Taby da Mysa Dobraj Nadziei ŭ PAR za 434 dni i jaho šlach byŭ udvaja karaciejšy.
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»14
Kamientary