«Žyćcio ŭ Dublinie na adnaho kaštuje minimum 4167 jeŭra na miesiac». Biełaruska raskazvaje, jak užo 6 hadoŭ žyvie ŭ Irłandyi
Kaciaryna Łysionak upieršyniu źjechała ź Biełarusi, kali joj było jašče 16 hadoŭ. Tady jana pajechała pa prahramie abmienu ŭ ZŠA na hod. Ciapier žančynie 37, jana pracuje ŭ Google i apošnija 6 hadoŭ žyvie ŭ irłandskim Dublinie. CityDog.io vyrašyŭ bližej paznajomicca z Kaciarynaj i pahutaryŭ pra žyćcio ŭ Irłandyi, pra pierajezdy i pracu ŭ adnoj z samych viadomych kampanij śvietu. A jašče — pra hłabalnych biełarusaŭ i toje, jak jany mohuć palepšyć budučyniu krainy.
Pra žyćcio ŭ Irłandyi i pierajezdy: «Žyllovy kryzis sapraŭdy surjoznaja prablema ŭ krainie»
Pierad tym jak zastacca ŭ Irłandyi, Kaciaryna źmianiła nie adno miesca žycharstva. Naprykład, paśla viartańnia z ZŠA ŭ Biełaruś dziaŭčyna praviała hod u Minsku, a potym pastupiła ŭ Mižnarodny ŭniviersitet LCC u Litvie. Tam jana žyła nastupnyja 6 hadoŭ, skončyła bakałaŭryjat i pačała pracavać u brytanskaj daśledčaj kampanii Euromonitor International.
Praz paru hadoŭ moj muž padaŭsia na pasadu ŭ Google Ireland. Jon pierajechaŭ tudy. Ja skončyła vučobu, padała zajaŭku na pasadu mieniedžarki pa raźvićci partniorstvaŭ u Google i dałučyłasia da kampanii ŭ Dublinie. Tamu asnoŭnaj pryčynaj pierajezdu stali pracoŭnyja mahčymaści dla nas abaich.
— Vy tak časta pierajazdžali. Mabyć, z kožnym razam adaptacyja davałasia ŭsio lahčej? Ci ja pamylajusia?
Emihracyja zaŭsiody składanaja, niezaležna ad taho, kolki razoŭ vy pierajazdžajecie. My ŭdaskanalili pracesy i viedajem, čaho čakać, ale ŭsio roŭna kožny raz heta ciažki dośvied.
Ale važna pamiatać, što z pravilnym padychodam i časam usio naładzicca. I heta narmalna — adčuvać siabie nienarmalnym i zmahacca ź ciažkaściami. Emihracyja — składany prajekt.
— Raskažycie krychu pra Irłandyju: jak vy sami jaje adčuvajecie? Ci byli jakija-niebudź składanaści, ź jakimi sutyknulisia?
U našym ofisie pracuje bolš za 7000 čałaviek — i tam stvoranyja ŭsie mahčymyja ŭmovy: ad miedycynskaha centra da banka i spartzały. Tamu mnie było praściej adrazu znajści svaju supołku siabroŭ, ź jakimi my siabrujem užo dziesiać hadoŭ. Da taho ž anhlijskaja mova akazałasia lahčejšaj dla adaptacyi, čym litoŭskaja, tamu i z administracyjnymi dy biurakratyčnymi pytańniami było praściej spravicca.
— Ci doraha žyć u Irłandyi? Kolki prykładna treba vydatkoŭvać na pradukty, pobyt, zabavy, kab adčuvać siabie bolš-mienš kamfortna?
Siaredniaja arendnaja płata ŭ Dublinie pieravyšaje 2300 jeŭra. Košt na žyllo na 88% vyšejšy za siaredni pa ES. Pry hetym poŭnapracoŭnyja rabotniki ŭ Irłandyi ŭ siarednim zarablajuć 3683 jeŭra ŭ miesiac da vypłaty padatkaŭ. Žyllovy kryzis źjaŭlajecca sapraŭdy surjoznaj prablemaj u krainie.
Raźlikovyja štomiesiačnyja vydatki siamji z čatyroch čałaviek składajuć 3781 jeŭra, adzinokaha čałavieka — 1093 jeŭra. I heta ŭsio biez uliku arendnaj płaty. Taksama Irłandyja maje druhi samy darahi hramadski transpart u Jeŭropie, a ceny na hateli i restarany na 29,5% vyšejšyja za siaredniejeŭrapiejskija. Heta daje peŭnaje ŭjaŭleńnie pra toje, nakolki tut doraha.
Kali vy žyviacie ŭ Dublinie sami, vam spatrebicca jak minimum 50 000 jeŭra na hod (4167 jeŭra na miesiac) da vypłaty padatkaŭ, kab žyć. Dla siamji z troch čałaviek dobrym zarobkam była b suma ŭdvaja bolšaja: kala 90 000 — 100 000 jeŭra.
Pra pracu ŭ Google: «Ja nikoli asabliva nie cikaviłasia karjernaj leśvicaj»
— Ja pačynała ŭ jakaści mieniedžarki pa partniorskich adnosinach u vydavieckim adździaleńni Google (Online Publishing Group). Mnie daviałosia pracavać z rehijonam SND i stać pieršym čałaviekam, jaki ŭstanaviŭ niekatoryja premijalnyja kantrakty na manietyzacyju. Heta byŭ cudoŭny dośvied.
Ja dumaju, što heta byŭ vielmi pravilny vybar na maim šlachu — pierachod sa śvietu prodažaŭ u HR. Adnak ja sumuju pa sustrečach z klijentami, kamandziroŭkach i bonusach ad prodažaŭ (uśmichajecca).
— Jak mieniedžarka stratehičnych HR-prahram ja maju dźvie častki svajoj raboty: pracu ź ludźmi ŭ jakaści HR-partniorki/coach i pracu z pracesami/prajektami/change management. Heta najlepšaja kambinacyja dla mianie, jakaja dazvalaje atrymać najmacniejšy prafiesijny dośvied: praca ź ludźmi i raźvićcio adnosin, praca z ahulnaj karcinaj, analiz danych i stratehija.
— Pa-za miežami majoj asnoŭnaj pracy ja taksama pracuju prafiesijnym karjernym koŭčam. I jak koŭč ja vyvučała, jak kłapacicca pra siabie, jak źmiaščać emacyjnyja nahruzki i jak raźvivać miechanizmy pieraadoleńnia stresu.
Akramia taho, u mianie ŭžo šmat hadoŭ vielmi strohija miežy pamiž pracaj i asabistym žyćciom. Raniej ja pracavała zvyšuročna ci pa vychadnych, ale apošnija 10 hadoŭ pačynaju pracu svoječasova i zakančvaju svoječasova, pry hetym zaŭsiody rablu poŭny pierapynak na abied. A jašče ŭ mianie jość kamanda, jakaja padtrymlivaje mianie: moj muž, moj sabaka, maje siabry, moj terapieŭt i moj koŭč.
Pra hłabalnych biełarusaŭ: «Dziakujučy svaim viedam, dośviedu i šyrokim pohladam jany mohuć istotna dapamahčy Biełarusi»
— Nu, časta tak nazyvajuć biełarusaŭ, jakija źjechali za miažu. Ale ja z hetym nie vielmi zhodnaja. Kudy važniej, što ŭ čałavieka ŭ hałavie, a nie dzie jon žyvie. Bo što takoje hłabalnaje myśleńnie? Heta kali ty dobra razumieješ i pavažaješ roznyja kultury, adkryty da inšych ludziej i dumak, kali ŭmieješ prystasavacca da novaha asiarodździa.
Takija ludzi spakojna pracujuć ź ludźmi z usiaho śvietu, jany ŭmiejuć kamunikavać ź inšaziemcami, razam vyrašać prablemy. Jany nie bajacca raznastajnaści, lubiać mižnarodnyja prajekty i ŭmiejuć karystacca suśvietnymi sietkami i resursami.
— A jak hłabalnyja biełarusy mohuć dapamahčy Biełarusi palepšyć jaje budučyniu?
Naprykład, u śfiery adukacyi heta moža być supracoŭnictva z univiersitetami, anłajn-kursy i padtrymka reformaŭ. U biznesie hłabalnyja biełarusy mohuć inviestavać u startapy, stvarać pracoŭnyja miescy i realizoŭvać sumiesnyja prajekty. U palitycy jany mohuć łabiravać intaresy Biełarusi i padtrymlivać reformy. U achovie zdaroŭja heta mohuć być kansultacyi, stažyroŭki, abmien dośviedam i humanitarnaja dapamoha. U technałohijach supracoŭnictva moža ažyćciaŭlacca ŭ raspracoŭcy praduktaŭ, tranśfiery technałohij i adkryćci centraŭ daśledavańniaŭ.
Nam treba prapanoŭvać roznyja mahčymaści dla ŭdziełu, nam treba adyści ad čorna-biełaha myśleńnia i zaachvočvać raznastajnaść dumak.
16 biełarusak, na jakich varta padpisacca ŭ sacsietkach, kab adukoŭvacca
Ciapier čytajuć
«Muž prymušaŭ mianie zajmacca seksam utroch». Historyja hvałtu, jakoha nichto nie zaŭvažaŭ6
Kamientary
Historyja Irlandyi niečym napaminaje los Biełarusi - źniščanuju nacyjnuju movu, tatalnaja mihracyja ŭ ZŠA, Aŭstraliju, PAR, i inšyja krainy. Tolki irlandcy za svaju niezaležnaść zmahalisia ŭ anhličanami, a nie čakali jaje ź nieba.
Zaraz Irlandyja - heta burna raźvićciovaja kraina. Nam da ich i da Polščy hadoŭ 50-70.
Kali b narodzik nie abraŭ začosa ŭ 94, to daŭno b byli ŭ JEZ sa svajoj movaj, kulturaj, i uzrovień žyćcia byŭ by dobrym.
Uvohule kidajecca ŭ vočy, što tak zvanyja prychilniki pieramienaŭ zbolšaha mienšavartasnyja kałhaśniki i papuasy, bo zanadta ŭžo molacca na ŭsio zachodniaje. A niejkaja jajkahałovaja "hłabalnaja" paskakucha ŭ jakoj zasłuhi (u ich vačach) tolki ŭ tym, što jana to tut, to tam pažyła ŭ ich "TAKIJA LUDZI". Brydka...