«Ja budaŭnik i nie maju dačynieńnia da FSB». Mužčyna ŭ sinim z «Krokusa» raskazaŭ pra siabie
Rasijskaje ahienctva TASS napisała pra adnaho z hledačoŭ kancerta hurta «Piknik» u kancertnym kompleksie Crocus City Hall pad Maskvoj 22 sakavika, jaki trapiŭ na videa padčas terakta i jakoha paličyli za supracoŭnika rasijskich śpiecsłužbaŭ. Pavodle słoŭ mužčyny, nasamreč jon pracuje budaŭnikom i pryjšoŭ na kancert razam z dačkoj.
«Mianie zavuć Alaksiej i nijakaha dačynieńnia da FSB ci niejkaj siłavoj struktury ja nie maju. Pracuju ŭ budaŭničaj firmie», — skazaŭ mužčyna.
Pavodle jaho słoŭ, jon byŭ na kancercie z dačkoj, a miescy ichnija znachodzilisia na bałkonie.
Raniej u siecivie źjaŭlalisia publikacyi, u jakich śćviardžałasia, što ŭ zale «Krokusa» znachodzilisia supracoŭniki śpiecsłužbaŭ z publikacyjaj fatahrafii niekalkich hledačoŭ, jakija spakojna siadzieli na vierchnich šerahach, kali kala sceny pačałasia stralba. Siarod ich było fota Alaksieja, jakoha pryniali za supracoŭnika FSB.
«Toje, što ciapier tam pra mianie ŭsiakija karcinki malujuć u internecie, — heta podła, nachabna. Uvohule to navat kamientavać heta ja sensu nie baču. Nie razumieju, jakimi słovami možna łuchtu hetuju kamientavać», — skazaŭ jon sam.
Pavodle jahonych słovaŭ, jon z dačkoj evakuiravaŭsia z zały padčas stralaniny z boku chołu, i samich terarystaŭ nie bačyŭ, «bo jany ŭ hety momant uvajšli ŭ zału, a my vyjšli z bałkona ŭ choł na druhim paviersie».
Što rabili padazronyja mužčyny ŭ sinim padčas rasstrełu ludziej u «Krokusie»?
95 čałaviek ličacca źnikłymi bieź viestak paśla teraktu ŭ «Krokus Sici Chole»
Łukašenka zajaviŭ, što pieradaść Pucinu źviestki ab «kuratarach» terakta ŭ «Krokusie»
«Džychadysty asablivaj roźnicy pamiž Biełaruśsiu i Rasijaj nie robiać». Ci pahražajuć terakty IDIŁ Biełarusi?
Kamientary
kak nastojaŝij žurnalistzastrielitsia? Ili otriachnietsia i pojdiet iskať druhuju kuču dieŕma, čtoby chajpanuť?