Polšča pierastała prapuskać u Biełaruś lehkavyja aŭtamabili na tranzitnych numarach
Abmiežavańni zakranuli marki BMW i kancerna VAG.
Pra toje, što polskija pamiežniki pierastali prapuskać na terytoryju Biełarusi aŭtamabili na tranzitnych numarach, abjom ruchavika jakich pieravyšaje 1900 kub. sm, paviedamlaje vydańnie Telegraf.news.
Pra situacyju raspaviali tyja, chto ŭ noč ź piatnicy na subotu sprabavaŭ pravieźci aŭtamabili z krain ES u Biełaruś.
Pa słovach śviedak nijakaj infarmacyi pra źmieny na miažy nie było. Abmiežavańni zkranuli marki BMW i kancerna VAG: Volkswagen, Audi, Seat, Škoda i inš.
Uładalniki pavinny pakazać na mytni dakumient ad vytvorcy, jaki paćviardžaŭ by prava na ekspart lehkavoha transpartu za miežy Jeŭrasajuza.
Pavodle krynicy, dakumient taksama musić źmiaščać infarmacyju pra toje, što vytvorca viedaje pradaŭca i pakupnika. Akramia taho, ździełka nie pavinna vyhladać jak sproba abychodu sankcyj.
Pradstaŭnik kampanii Westmotors, jakaja źjaŭlajecca najbujniejšym pastaŭščykom aŭto z-za miažy, paviedamiŭ, što ŭnačy 24 sakavika na KPP «Ciarespal» pryjechaŭ ministr transpartu Polščy. Jon rasparadziŭsia nie prapuskać u krainy JEAES aŭtamabili z abjomam ruchavika zvyš 1900 kub. sm, a taksama tyja aŭto, jakija kaštujuć zvyš 50 000 jeŭra.
«…Jak tolki my atrymajem bolš detalovuju infarmacyju pra toje, jak iduć spravy z prachodam hranicy z sankcyjnymi aŭtamabilami, — paviedamim vam. Važny momant: heta nie tyčycca aŭtamabilaŭ z ZŠA, jakija iduć u Biełaruś praź litoŭskuju hranicu», — napisali ŭ sacyjalnych sietkach pradstaŭniki kampanii Westmotors.
Viadoma, što Jeŭrasajuz uvioŭ 11-y pakiet sankcyj suprać Rasii jašče 23 červienia 2023 hoda. Siarod roznych abmiežavańniaŭ, była i zabarona na pastaŭku ŭ Rasiju novych i ŭžyvanych mašyn z abjomam ruchavika zvyš 1900 kub. sm, a taksama elektramabilaŭ i hibrydaŭ.
Dakumient byŭ apublikavany i nabyŭ moc. Jeŭrasaviet taksama ŭklučyŭ u pakiet sankcyj miechanizm «baraćby ź ich abychodam», jaki dazvolić uvodzić abmiežavańni suprać trecich krain.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary