Hramadstva77

«My naŭmysna dadali šerah «paschałak». Fejkavy pašpart «Novaj Biełarusi» ad KDB prakamientavaŭ śpiecyjalist, jaki nad im pracuje

U efiry telekanała ANT učora pakazali, jak śćviardžajecca, pašpart «Novaj Biełarusi» nibyta ź pieršaj probnaj partyi. Jon vydadzieny na imia Kołasava Hienadzia Balasłavaviča — nieisnujučaha piersanaža, čyjo imia ŭjaŭlaje saboj abrevijaturu KHB. Pa haračych śladach my sami razabrali vidavočnyja «kasiaki», jakija prosta kidalisia ŭ vočy, a ciapier prafiesijny kamientar Pradstaŭnictvu pa zamiežnych spravach APKB daŭ śpiecyjalist, jaki, jak śćviardžajecca, nad hetym pašpartam pracuje. 

Jak śćviardžajecca, u dyzajnie, pradstaŭlenym u minułym hodzie hramadstvu na kanfierencyi «Novaja Biełaruś», naŭmysna byli pakinutyja šmatlikija «paschałki» i zaŭvažnyja tolki śpiecyjalistam niedakładnaści:

«Kaniečnie, my čakali niečaha padobnaha, ale, jak bačycie, prapahandystam u supracy z KDB spatrebiłasia bolš za paŭhoda, kab zrabić adzin ekzemplar hetaj vielmi dalokaj pa formie i jakaści ad aryhinała «falšyŭki».

My naŭmysna dadali šerah «paschałak» — i niekatoryja ź ich «spracavali». Ale nie ŭsie, tamu čakajem druhuju sieryju hetaj tannaj kamiedyi», — adznačaje śpiecyjalist.

Pra niekatoryja z hetych niedakładnaściaŭ jon skazaŭ užo ciapier. Pavodle surazmoŭcy, u pakazanaj pa ANT falšyŭcy papiarovaja staronka danych zamiest zapłanavanaj polikarbanatnaj, a taŭščynia pašpartu — jak u aficyjnaha biełaruskaha, choć u novaha nacyjanalnaha budzie inšaja.

«Ciśnieńnie na vokładcy «pašparta» załacistaha koleru — heta, napeŭna, pavodle ŭjaŭleńniaŭ prapahandystaŭ, «doraha-bahata». Ale dyzajniery, jakija pracujuć nad sapraŭdnym prajektam, nie padzialajuć zachapleńnie padobnym «savieckim šykam», — iranizuje śpiecyjalist.

Za niekalki chvilin prahladu jon nibyta naličyŭ bolš za 15 pamyłak u «novym pašparcie ad KDB», adnak nie ŭsie śpiecyfičnyja niuansy sapraŭdnaha prajekta novaha nacyjanalnaha pašparta Biełarusi ciapier hatovyja raskryć da relizu.

Što da «bazy danych», dostup da jakoj nibyta atrymała KDB, to jaje prosta nie isnuje ŭ pryrodzie. Nijakaja ź biełaruskich struktur na hety momant nie źbirała piersanalnyja danyja ludziej, jakija ŭ budučym płanujuć padacca na novy nacyjanalny pašpart.

Kamientary7

  • daviedka
    20.03.2024
    Priamo čuvstvujetsia, čto s pasportom KHB v rukach Ihoria Tura obosrałsia jeŝio kto-to, pomimo znamienitoho sieruna.
  • Žyvie
    20.03.2024
    Niachaj choć štości atrymajecca z hetym pašpartam! A to ŭsio skandały i Mandeły)
  • Symon
    20.03.2024
    Tak usio dobra. Prapahandysty jakasna prałekramavali pašpart Novaj Biełarusi. Zaraz narod viedaje, mienavita što źmienić łukašysckija dakumanty.

Ciapier čytajuć

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki6

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki

Usie naviny →
Usie naviny

U Pinsku daždžom zatapiła rynak. Prablema isnuje daŭno, ale nie vyrašajecca1

Na čyhuncy supracoŭnikam admianiajuć nadbaŭki i skaračajuć štaty4

Pamier ekspartu łuninieckaha fiermiera ŭ Rasiju ŭpieršyniu pierasiahnuŭ 10 miljonaŭ dalaraŭ3

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»8

Pad Minskam mašyna sutyknułasia z matacykłam VIDEA

U Minsku prachodzić viełakarnavał «Viva Rovar» FOTY2

Bresckija pamiežniki nie prapuścili biez čarhi invalida z Rasii — byłoha pres-sakratara palicyi Inhušecii. Jon aburany10

Makron zaklikaŭ stvaryć «kaalicyju niezaležnych» i nie hladzieć na Vašynhton i Piekin4

Čarešni na Kamaroŭcy patańnieli ŭtraja. Čym jašče vyhadna zakupicca?2

bolš čytanych navin
bolš łajkanych navin

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki6

U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki

Hałoŭnaje
Usie naviny →

Zaŭvaha:

 

 

 

 

Zakryć Paviedamić