U Maładziečnie troje niepaŭnaletnich stvaryli levyja akaŭnty na sajcie znajomstvaŭ i vymahali hrošy ŭ «kavaleraŭ»
Dvoje z ašukanych mužčyn źviarnulisia ŭ milicyju.
U studzieni adzin z chłopcaŭ prapanavaŭ chutki, ale nie zusim zakonny mietad zarobku — zarehistravacca na sajcie znajomstvaŭ ad imia vydumanych dziaŭčat i pad roznymi padstavami vyprošvać u novaśpiečanych kavaleraŭ hrošy, piša Kraj.by.
Maładyja ludzi stvaryli ŭ miesiendžary nie mienš za 4 žanočyja akaŭnty. Ź ich pa čarzie i pisali mužčynam.
Jany ŭstanaŭlivali daviernyja adnosiny ź virtualnymi znajomymi, raskazvali tym ab svaim ciažkim materyjalnym stanoviščy i prasili papoŭnić bankaŭskuju kartu dla pakupki lekaŭ, apłaty telefona ci internetu, a taksama nabyćcia vadkaści dla elektronnych cyharet. Uzamien «dziaŭčaty» abiacali chutkuju sustreču i viartańnie doŭhu. Adnak, atrymaŭšy hrošy, pierastavali vychodzić na suviaź.
Dvoje z ašukanych mužčyn źviarnulisia ŭ milicyju.
Supracoŭniki milicyi chutka vyličyli niepaŭnaletnich afierystaŭ i zatrymali. Maładyja ludzi nie nadta kanśpiravalisia, adznačajuć śledčyja, i pieradavali paciarpiełym rekvizity bankaŭskaj kartki, aformlenaj na svaich znajomych.
Svaimi złačynnymi dziejańniami fihuranty pryčynili paciarpiełym škodu na sumu bolš za 2 tysiačy rubloŭ.
U dačynieńni da troch studentaŭ zaviedziena kryminalnaja sprava pa č. 2 art. 209 (machlarstva, učynienaje hrupaj asob).
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary