Abmiežavańni ŭ čas pandemii pryviali da źniknieńnia štama hrypu Jamahata. Vučonyja bačać i šaniec, što śviet vybavicca i ad druhoha, bolš raspaŭsiudžanaha štamu hrypu typu V.
Jak piša Bloomberg sa spasyłkaj na daśledavańnie navukoŭcaŭ Nacyjanalnaha centru bijatechnałahičnaj infarmacyi ZŠA (NCBI), samaizalacyja, zakryćcio miežaŭ, našeńnie masak i inšyja miery, nakiravanyja na strymlivańnie COVID-19, pryviali da źniknieńnia adnaho z samych raspaŭsiudžanych štamaŭ virusu hrypu B — Yamagata («Jamahata»).
Na praciahu apošnich dziesiacihodździaŭ epidemii hrypu vyklikalisia čatyrma asnoŭnymi štamami, u tym liku štamam «Jamahata». Ale z sakavika 2020 hoda, jak raskazaŭ vydańniu namieśnik dyrektara Centra supracoŭnictva SAAZ pa hrypie Jan Bar (Ian Barr), hety štam nie nazirajecca.
«Abmiežavańni pa COVID nanieśli jamu [štamu «Jamahata»] zabojčy ŭdar», — cytuje vydańnie słovy Bara.
Źniknieńnie štama likvidavała virusnuju krynicu śmiarotnaści i zachvorvańniaŭ, asabliva siarod dziaciej, a taksama zrabiła niepatrebnym adzin z kampanientaŭ štohadovych vakcyn suprać hrypu.
Vučonyja adznačajuć, što situacyja, jakaja pryviała da źniknieńnia «Jamahata», śviedčyć ab tym, što całkam mahčyma pazbavicca ad inšaha bolš raspaŭsiudžanaha štamu hrypu typu B — «Viktoryja».
Jak adznačajuć navukoŭcy, u adroźnieńnie ad hrypu typu A, jaki maje šyroki śpiektr pieranosčykaŭ i ryzykuje vyklikać pandemii, štamy typu V nie pieranosiacca žyviołami. Ź imi efiektyŭna spraŭlajucca vakcyny, jakija nie tolki abaraniajuć ad zachvorvańnia, ale i praduchilajuć pieradaču virusa.
U siarednim na hetyja štamy prypadaje 23% štohadovych vypadkaŭ hrypu va ŭsim śviecie, uklučajučy 1,4 miljona špitalizacyj. Bolšaja častka hetaha ciažaru prypadaje na dziaciej i padletkaŭ, pry hetym da 52% vypadkaŭ dziciačaj śmiarotnaści, źviazanych z hrypam, prypadaje na virus hrypu typu V.
Na lačeńnie infiekcyj, vyklikanych hetym typam virusu, u ZŠA idzie 37% usich vydatkaŭ, što vydzialajucca na baraćbu z hrypam. Pa słovach aŭtaraŭ daśledavańnia, tearetyčna mahčymaje vykaranieńnie virusa hrypu B moža źniać ź plačej miedycynskaj sistemy taki značny kliničny i ekanamičny ciažar.
Čytajcie jašče:
U Niamieččynie mužčyna 217 razoŭ pryščapiŭsia ad kavidu roznymi vakcynami
Karotki hid pa simptomach i lačeńni kavidu na 2024 hod
SAAZ zaklikała adnavić masačny režym z-za ŭzrastańnia zachvorvańniaŭ na kavid
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary