Vakcynacyju suprać hrypu ŭ Biełarusi praciahnuli da kanca śniežnia
U hetym siezonie vakcynujuć trochvalentnaj vakcynaj dla prafiłaktyki hrypu rasijskaj vytvorčaści, vakcynami «Vaksihryp Tetra» (Francyja) i čietyrochvalentnaj «Influvak Tetra» (Šviejcaryja). Vakcyn dastatkova pa ŭsioj krainie.
Minzdaroŭja z ulikam nieabchodnaści dapryščapić hrupy ryzyki suprać hrypu padoŭžyła pieryjad vakcynacyi da kanca 2023 hoda.
«Tamu ŭsie achvotnyja, jakija nie paśpieli pryščapicca ŭ kastryčniku — listapadzie, mohuć całkam spakojna pajści ŭ svaju palikliniku pa miescy žycharstva i atrymać pryščepku suprać hrypu ŭ śniežni», — paviedamiła BiełTA načalnik adździeła hihijeny, epidemijałohii i prafiłaktyki Minzdaroŭja Ina Karaban.
U Minzdaroŭja nahadali, što ŭ pieršuju čarhu abarona ad hrypu važnaja dla hrup vysokaj ryzyki.
Heta dzieci va ŭzroście ad 6 miesiacaŭ da 3 hadoŭ, dzieci ad 3 hadoŭ i darosłyja z chraničnymi zachvorvańniami i imunadeficytnymi stanami, ludzi za 65 hadoŭ, ciažarnyja žančyny, miedycynskija i farmaceŭtyčnyja rabotniki.
Vakcynavacca rekamiendujecca dzieciam i darosłym, jakija znachodziacca va ŭstanovach z kruhłasutačnym režymam znachodžańnia. Taksama heta važna zrabić rabotnikam śfier adukacyi, handlu, hramadskaha charčavańnia, kamunalnaj śfiery, milicyjanieram.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary