U minskim muziei adkryli vystavu, pryśviečanuju jubilejam adrazu siami piśmieńnikaŭ
U Dziaržaŭnym muziei historyi biełaruskaj litaratury adkryłasia litaraturna-dakumientalnaja vystava «Žmienia soniečnych promniaŭ». Ekspazicyja pradstavić tvorčaść siami piśmieńnikaŭ, čyje jubilei prypadajuć na 2024 hod.
A heta ŭhodki z dnia naradžeńnia: Ivana Čyhrynava — 90 hod, Artura Volskaha — 100 hod, Alesia Savickaha — 100 hod, Arkadzia Kulašova — 110 hod, Maksima Łužanina — 115 hod, Alesia Jakimoviča — 120 hod, Michasia Łyńkova — 125 hod, piša bellit.info.
Na ekspazicyi možna budzie pabačyć asabistyja rečy, pradmiety adzieńnia, aksesuary piśmieńnikaŭ, fotazdymki, ekślibrysy, knihi z aŭtohrafami, paznajomicca ź ich aŭtabijahrafijami, listami, rukapisami, dakumientami i inš. Nazvu vystavie dała adnajmiennaja kniha liryčnych minijaciur Janki Bryla, jakaja pabačyła śviet u 1965 hodzie.
«Centralny vobraz ekspazicyi «Žmienia soniečnych promniaŭ» — sonca, pramiani jakoha simvalizujuć žyćciovyja šlachi mastakoŭ słova, aśvietlenyja radaściu ich piśmieńnickaj tvorčaści. Niby soniečnyja pramiani, razychodziačysia ŭ roznyja baki, ich tvorčaść maje ahulny pačatak i hrunt — luboŭ da žyćcia, talent, natchnieńnie», — raskazvajuć aŭtary vystavy.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary