Pa infarmacyi rasijskich pablikaŭ, niekalki ŭkrainskich hrup sprabujuć prarvacca pry padtrymcy minamiotnaha i artyleryjskaha ahniu ŭ Biełharadskuju i Kurskuju vobłaści. Na miažy iduć bai. Aficyjnaj infarmacyi pakul niama.
Miascovyja žychary paviedamlajuć, što na ŭskrainach Biełharodskaj i Kurskaj vobłaści iduć strałkovyja bai.
Tanki USU na ŭskrainie Biełharodskaha pasiołka Horkaŭski zaŭvažyli miascovyja žychary, ich publikuje «Biełharad onłajn».
Pavodle źviestak prapahandysta Siamiona Piehava, na miažy zaŭvažanyja niekalki ŭzbrojenych hrup na pikapach, taksama na padychodzie da miažy vyjavili tanki. «Pa našaj infarmacyi prarvać liniju abarony abo damahčysia inšych adčuvalnych taktyčnych pośpiechaŭ supierniku nie ŭdałosia. Idzie boj», — napisaŭ Z-vajenkor.
Kurskija pabliki paviedamlajuć, što na miažy idzie strałkovy boj u rajonie pasiołka Ciotkina.
Lehijon «Svaboda Rasii» «apublikavaŭ videa z podpisam» Dobraj ranicy z rasijska-ŭkrainskaj miažy».
«My idziem, kab vyzvalić vas ad halečy, biednaści i dyktatury», — havoryć čałaviek na videa.
Paźniej Lehijon apublikavaŭ videa, jakoje padpisana: «Pierajšli rubikon, pierajšli miažu».
Bajcy «Sibirskaha bataljona» napisali ŭ kanale: «Nu što ž, narešcie my doma. Jak i abiacali, na našu ruskuju ziamlu my niasiem svabodu i spraviadlivaść. Raniej my kazali, što zrynuć złačynny dyktatarski režym u RF mirna nie atrymajecca. Jaho možna likvidavać tolki sa zbrojaj u rukach. Hetaj nočču my pačali vykanańnie abiacańnia. Iduć žorstkija bai na terytoryi RF».
«Lehijon «Svaboda Rasii», RDK i Sibirski bataljon na terytoryi RF dziejničajuć jak samastojnyja padraździaleńni, pakolki składajucca z hramadzian RF. Jany ŭ rešcie rešt znachodziacca ŭ siabie doma. Vierahodna, ciapier adbyvajecca sumiesnaja apieracyja hetych padraździaleńniaŭ na terytoryi tak zvanaj RF», — zajaviŭ pradstaŭnik HUR Andrej Jusaŭ 24 Kanału.
Aficyjnych kamientaroŭ i paviedamleńniaŭ z rasijskaha boku na hety kont niama.
Rasijski kanał «Dva majora» ŭ 10:10 paviedamiŭ, što «bai jašče praciahvajucca, ale vorah, jaki ŭ niekalkich miescach sprabavaŭ prarvać miažu, albo źviazany bojem, abo adstupiŭ. Iduć uzajemnyja ŭdary sa stvolnaj i reaktyŭnaj artyleryi».
Infarmacyja pra ataku rasijskich DRH źjaviłasia na fonie bujnoj ataki BPŁA na abjekty ŭ najmieniej siami rasijskich haradach.
Ciapier čytajuć
Stryžak: Ja prosta haŭno, ja lažu na dnie samaj brudnaj kanavy i adtul sprabuju niešta skazać u svaju abaronu29
Kamientary