Znajšoŭsia Siarhiej Jeramiejeŭ, jakoha vinavaciać u vybuchach na čyhuncy ŭ Buracii
Biełarus Siarhiej Jeramiejeŭ, jakoha vinavaciać u vybuchach na čyhuncy ŭ Buracii, ciapier znachodzicca ŭ SIZA «Lefortava» ŭ Maskvie, paviedamlaje fond «Bajchełp». Pra jaho doŭha nie było ničoha čuvać, i jahonaje miescaznachodžańnie sprabavali vyznačyć biełaruskija pravaabaroncy pry dapamozie rasijskich kaleh.
Siarhieja Jeramiejeva aryštavali letaś u śniežni. Jamu zakidvajuć u vinu arhanizacyju padryvaŭ dvuch hruzavych čyhunačnych sastavaŭ u tuneli BAM u listapadzie 2023 hoda. U vyniku hetaha mahistral była niejki čas całkam paralizavanaja.
Paśla aryštu Siarhieja Jeramiejeva etapapavali ŭ SIZA va Ułan-Ude. Paźniej miesiac jahonaje miescaznachodžańnie było nieviadomaje.
Najbližejšym časam da Siarhieja Jeramiejeva pasprabuje patrapić advakat.
U vyniku padryvaŭ 29 i 30 listapada dvuch čyhunačnych sastavaŭ z naftapraduktami, jakija ruchalisia z Tajšeta da stancyj Tynda i Nierunhry pa Bajkała-Amurskaj mahistrali, adbyłosia ŭzharańnie cysternaŭ z haruča-zmazačnymi materyjałami, što časova błakavała ruch pa mahistrali.
7 śniežnia FSB paviedamiła pra zatrymańnie ŭ Omsku biełarusa Siarhieja Jeramiejeva, jaki, pa śćviardžeńni siłavikoŭ, «daŭ pryznalnyja pakazańni ab pracy pad kantrolem ukrainskich śpiecsłužbaŭ» i pryznaŭ vinu.
Siarhiej Jeramiejeŭ — były supracoŭnik navapołackaha pradpryjemstva «Naftan», udzielnik strajku na im u 2020 hodzie. Pracavaŭ prybarystam kantrolna-vymiaralnych pryboraŭ i aŭtamatyki.
U Navapołacku praciahvajucca zatrymańni, padčas jakich ludziej apytvajuć pra Siarhieja Jeramiejeva i praviarajuć na palihrafie
U Połacku adbylisia zatrymańni z nahody dyviersii ŭ rasijskim tuneli, u jakoj abvinavačvajuć biełarusa
Zatrymany za dyviersiju ŭ rasijskim tuneli biełarus — šmatdzietny baćka, jaki nie zmaŭčaŭ u 2020-m
Zahinuŭ biełaruski dobraachvotnik Vasil «Dzir» Rapicki11
Kamientary