U Hiermanii raskazali, jak Ukraina moža atrymać dalnabojnyja rakiety
Hiermanija padtrymała schiemu «kruhavoha abmienu» dla pastaŭki rakiet Ukrainie, jakuju prapanavała Vialikabrytanija.
Ministr zamiežnych spraŭ Hiermanii Analena Bierbak padtrymała prapanovu svajho brytanskaha kalehi Devida Kemierana pa abmienie kryłatymi rakietami, kab Ukraina mahła atrymać dalnabojnaje ŭzbrajeńnie.
Sutnaść kruhavoha abmienu — pieradača hiermanskich rakiet Taurus Vialikabrytanii. U svaju čarhu, Vialikabrytanija pastavić va Ukrainu svaje Storm Shadow, jakija taksama źjaŭlajucca dalnabojnymi, chacia i nie identyčnyja hiermanskim.
«Heta byŭ by varyjant», — skazała niamiecki ministr, kamientujučy prapanovy Kemierana. Jana adznačyła, što taki abmien užo mieŭ miesca dla inšaha abstalavańnia, ale nie ŭdakładniła, pra što mienavita idzie hutarka.
«Kruhavy abmien — heta, tak by mović, niamieckaje vynachodstva. Heta byŭ by varyjant. I my ŭžo rabili heta ź inšym abstalavańniem niekatory čas tamu», — dadała kiraŭnik MZS Hiermanii.
Raniej ministr zamiežnych spraŭ Vialikabrytanii Devid Kemieran prapanavaŭ Hiermanii abmianiać rakiety Taurus na brytanskija Storm Shadow, kab dać Ukrainie dalnabojnaje ŭzbrajeńnie.
U studzieni pra hetuju brytanskuju prapanovu paviedamlali ŚMI. U toj ža čas kiraŭnik niamieckaha Minabarony Barys Pistoryus tady zajaŭlaŭ, što jamu ničoha nie viadoma ab prapanovie Brytanii pravieści abmien rakietami.
Čytajcie taksama:
Čamu Makron raptam zahavaryŭ pra mahčymy ŭvod zachodnich vojskaŭ va Ukrainu
-
Zielenski paćvierdziŭ damoŭlenaści ab «enierhietyčnym pieramirji» z Rasijaj
-
Ukrainski kamandzir pryniziŭ kiraŭnictva Rasii: zapisaŭ videa z centra horada, jaki Maskva abviaściła «vyzvalenym»
-
Rasija pačała vykarystoŭvać va Ukrainie šachiedy, padklučanyja da Starlink. Što viadoma i čamu heta niebiaśpiečna
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary