Tradycyjnaha Kanhresa daśledčykaŭ Biełarusi sioleta nie budzie
Tradycyjna štohadovy Kanhres daśledčykaŭ Biełarusi, užo XII pa liku, sioleta musiŭ adbycca ŭ Koŭnie. Ale niadaŭna stała viadoma, što ŭ hetym hodzie jaho nie budzie. Čamu tak, raskazaŭ u intervju radyjo «Unet» staršynia arhanizacyjnaha kamiteta Kanhresa, dyrektar instytuta «Palityčnaja śfiera» Andrej Kazakievič.
— My ŭ hetym hodzie ŭ vyniku kansultacyj, jakija adbylisia naprykancy minułaha hoda i taksama napačatku hetaha hoda, vyrašyli, što ŭ hetym hodzie nie budziem pravodzić vialiki Kanhres, vialikuju imprezu, jakaja ŭklučaje ŭ siabie sotni daśledčykaŭ.
My vyrašyli ŭziać nievialikuju paŭzu i ŭ hetym hodzie pravieści takuju jak by refleksiju. My heta nazyvajem partniorskaj kanfierencyjaj.
To-bok sabrać prosta tych ludziej, z kim my arhanizoŭvali Kanhresy, padumać nad tym, što było dobra zroblena za apošnija ŭžo bolš čym 10 hod arhanizacyi hetych padziej, što možna palepšyć, u jaki bok raźvivacca. To-bok, faktyčna, uziać hety hod na pieraasensavańnie dośviedu i na farmulavańnie dalejšaj stratehii. Tamu budzie partniorskaja kanfierencyja ŭ Koŭnie, jak i płanavałasia.
— Čamu tak vyrašyli? Ci Kanhres vyčarpaŭ svaje reziervy, resursy, ci niejkaja inšaja pryčyna?
— Nie. Naadvarot! Prosta ŭnutry arhanizacyjnaha kamiteta isnujuć roznyja idei, roznyja ŭjaŭleńni pra toje, kudy Kanhres raźvivać. I, kab prosta heta asensavać, my, ułasna, i biarem paŭzu.
Nu i ŭvohule, treba skazać, što, usio-taki arhanizacyja Kanhresa takoha maštabu — heta zaŭsiody vielmi składanaje mierapryjemstva z arhanizacyjnaha punktu hledžańnia, jakoje patrabuje pracy na praciahu nie mienš, čym šaści miesiacaŭ. Što vielmi ciažka dla partnioraŭ, ciažka dla kamandy. Tamu tut taksama patrabujecca niejki taki pieradych. Ja dumaju, što heta tolki na lepšaje dla samoj idei kanhresa budzie.
— U Kanhresie štohod brali ŭdzieł dziasiatki daśledčykaŭ u roznych temach…
— Sotni! Sotni!
— …ci sotni navat, jakija pradstaŭlali svaje pracy. Ciapier što vy raicie im rabić? Ci praciahvać da nastupnaha hoda, ci niekudy možna padavać, ci niešta budzie vydavacca, naprykład?
— U hetym hodzie my raim prosta sačyć za navinami. Pa-pieršaje, my płanujem zrabić, jak i zaŭsiody, Premiju Kanhresa. To-bok heta nie značyć, što my admianiajem usie mierapryjemstvy, źviazanyja z Kanhresam. Nu i taksama rychtavacca tady ŭžo na nastupny hod. Tamu što my ŭsio adno płanujem pravieści nastupny kanhres u 2025 hodzie. Ale, praŭda, jašče pakul nie viedajem u jakoj krainie.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary