Pałata pradstaŭnikoŭ pryniała ŭ druhim čytańni papraŭki ŭ zakony pa pytańniach nacbiaśpieki.
U pieršym čytańni dakumient byŭ pryniaty 1 listapada 2023 hoda. Jon abaviazvaje sotavych apierataraŭ davać vajenkamatam i abłasnym upraŭleńniam KDB telefonnyja numary vajennaabaviazanych. Heta treba, kab vysyłać SMS-pozvy, jakija buduć ličycca aficyjnym paviedamleńniem, piša «Sputnik».
Jość i inšyja novaŭviadzieńni. Naprykład, pavyšajecca ŭzrostavy paroh dla vajennaabaviazanych žančyn, jakija ličacca ŭ zapasie (akramia praparščykaŭ, mičmanaŭ abo aficeraŭ): z 45 da 48 hadoŭ. Uzrost pastanoŭki na ŭlik u vajenkamacie dla junakoŭ taksama pavyšajuć z 16 da 17 hadoŭ.
Taksama dakumient praduhledžvaje pakryćcio raschodaŭ dla niekatorych hramadzian na prajezd da vajenkamata abo inšaha padobnaha orhanu «ŭ paradku i pamierach, ustanoŭlenych zakanadaŭstvam dla rabotnikaŭ, što nakiroŭvajucca ŭ słužbovyja kamandziroŭki».
Jašče adna novaja norma — raboty abaronnaha charaktaru. U mirny čas u ich zmohuć prymać udzieł hramadzianie nie maładziejšyja za 16 hadoŭ. Jany buduć dobraachvotnymi, z zachavańniem miesca pracy, pasady i siaredniaha zarobku.
Dadajecca termin «aparat uzmacnieńnia». Pad im razumiejucca hramadzianie, jakich pryciahvajuć dla dapamohi vajenkamatam, orhanam dziaržbiaśpieki padčas pryzyvu.
Mianiajucca normy słužby pa kantrakcie. Kali čałaviek nie padychodzić dla jaje pa šerahu patrabavańniaŭ, jaho zmohuć uziać na słužbu «ŭ metach intaresaŭ abarony i nacyjanalnaj biaśpieki pa rašeńni prezidenta Respubliki Biełaruś».
U tym liku možna budzie brać na słužbu tych, chto maje sudzimaść ci jašče adbyvaje pakarańnie.
Čytajcie taksama:
Łukašenka padpisaŭ ukaz ab pryzyvie na terminovuju vajskovuju słužbu
Hałoŭny ideołah Minabarony: Dziaŭčaty prosiać dać im prava pryzyvu na terminovuju słužbu
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
Kali chtości sprabuje vas vyklikać u vajenkamat esemeskaj, nie idzicie. Majecie poŭnaje prava