U Karpienki spytali ab prymusovym hałasavańni. Jon zaniervavaŭsia
Na pres-kanfierencyi ŭ infarmacyjnym centry CVK, pryśviečanaj vybaram, žurnalistka «Točki» Volha Savickaja niečakana zadała niazručnaje pytańnie — nakont vysokaj jaŭki i prymusovaha zahonu na ŭčastki biudžetnikaŭ i studentaŭ. Karpienka pierajšoŭ na ZŠA, dzie, na jaho dumku, usio značna horš.
Žurnalistka spytała, ci viadomyja CVK fakty «tak skažam, dobraachvotna-prymusovaha hałasavańnia, kali biudžetnikaŭ, studentaŭ nastojliva prosiać prahałasavać daterminova albo abaviazkova pryjści ŭ dzień asnoŭny?»
Ihar Karpienka zaniervavaŭsia. «Moža «Točcy» takija fakty viadomyja? To vy nam padkažycie — u mianie takich faktaŭ niama, navat zvarotaŭ na hetuju temu nie było ŭ Centralnuju vybarčuju kamisiju», — skazaŭ jon.
Karespandentka adkazała, što takija fakty ŭ jaje jość, ale jana nie choča apubličvać krynicy. Ale navat kali jana była studentkaj, praz heta prachodziła.
Karpienka skazaŭ, što tut ničoha takoha niama. Jon sam byŭ studentam, pracavaŭ prarektaram. «Nu, zajšoŭ u aŭdytoryju skazaŭ, što idzie daterminovaje hałasavańnie, hałasavańnie arhanizavana na takim učastku… Heta što, zahaniać na vybary ci jak?»
«Nu kali jość pahroza stracić internat, siesiju zdać nie nadta dobra…»
Karpienka prasiŭ kankretnyja fakty.
«Ja mahu vam fakty dać potym», — adkazała žurnalistka.
«Potym» kamisiju nie zadavoliła. «Davajcie publična. Vy publična, u pramym efiry zadajacie pytańnie, dyk davajcie publična fakty».
Žurnalistka pierapytała, kudy možna źviartacca, kali jość takija fakty.
«U adroźnieńnie ad ZŠA, u nas hramadzianin moža źviartacca ŭ lubuju strukturu, pačynajučy ad dziaržaŭnych orhanaŭ zakančvajučy orhanami prakuratury, jakija dajuć acenku, orhany suda, jakija taksama dajuć adpaviednuju pravavuju acenku, i ŭ kamisii, zakančvajučy CVK», — adkazaŭ Karpienka.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
Točka sapraŭdy choča padmianić TUT.by ? a moža dumajuć na pierśpiektyvu, razumiejučy, što łukavyja niaviečnyja
https://d2accbiqacj5y8.cloudfront.net/337237