«Schadziŭ. Prahałasavaŭ. Ukinuŭ». Paet Słavamir Adamovič schadziŭ na vybary i daŭ intervju prapahandzie
Paet, jakoha kaliści sudzili za vierš «Ubiej priezidienta», daŭ intervju «Minskaj praŭdzie». Zhadaŭ i Cichanoŭskuju z Kaleśnikavaj.
U intervju Adamovič kazaŭ, što dajšoŭ da taho, kab pisać vieršy pa-rusku i ciapier žyvie na dźvie krainy — Biełaruś i Narviehija. I zhadaŭ niepryjemny vypadak, jaki zdaryŭsia ź im u Narviehii ŭ nulavyja. Tady jon tolki atrymaŭ kamunalnuju kvateru.
«Ja adkryŭ dźviery. Mnie adrazu ŭ łob i vyrubili».
Pa słovach paeta, paśla hetaha jon praz dva miesiacy vyjechaŭ u Biełaruś. «Heta było kankretnaje viartańnie. Tady ŭ mianie kala 10 tysiač było. Za dva hady ja sabraŭ jašče nie pracujučy. I damoŭ praz Stakholm «Biełavijaj».
Pa słovach Adamoviča, čakajučy samalot, jon «z emacyjnym zadavalnieńniem parvaŭ svoj pieršy časovy narviežski pašpart. <…> Treba było bačyć, jak hladzieła na mianie rabotnica aeraporta, jakaja prapuskała [na pasadku]. Ale ž ja svoj biełaruski pašpart zachoŭvaŭ, — raskazaŭ paet i dadaŭ: Ja voś čuŭ, što jość upartyja, što rvuć biełaruskija pašparty, što pa mienšaj miery hłupstva».
Adamovič pryhadaŭ, što ŭ kancy 2020-ha znoŭ vyjechaŭ ź Biełarusi ŭ Narviehiju. «Skazaŭ sabie — dalej ad hrachu».
Adamovič raspavioŭ, što adzin raz śpiecyjalna pryjazdžaŭ na sustreču ź Śviatłanaj Cichanoŭskaj.
«Ja śpiecyjalna z svajho zapalarja prylacieŭ. Jana znajomiłasia. Na toj čas užo hod prajšoŭ, było kamu sustrakać hetu našu ziamlačku.
Moža być, leksika trochi vyklikaje ŭśmiešku: «Naš prezident Śviatłana». U maich vačach, abjektyŭna, heta čałaviek, jaki prezientuje nas, apanientaŭ. Jana reprezientant, pradstaŭnik».
Słavamir Adamovič pryniaŭ udzieł u parłamienckich vybarach.
«Schadziŭ. Prahałasavaŭ. Ukinuŭ», — skazaŭ paet, ale nie staŭ raskazvać, za kaho hałasavaŭ.
Pry kancy 1980-ch Słavamir Adamovič byŭ ahientam KDB, zasłanym u litabjadnańnie «Tutejšyja» i niezaležnickija asiarodki moładzi. Ën sam u hetym pryznaŭsia paśla padzieńnia SSSR u 1991 hodzie. U 1995 hodzie jon napisaŭ vierš «Ubiej priezidienta», za što byŭ zatrymany ŭ krasaviku 1996 hoda i pravioŭ 10 miesiacaŭ u źniavoleńni. Z 2000 da 2009 hoda žyŭ u ZŠA i Narviehii, paśla viarnuŭsia ŭ Biełaruś. U 2019 hodzie jaho sudzili za bytavy kradziež. Jamu pahražała da 4 hadoŭ pazbaŭleńnia voli, ale sud abmiežavaŭsia 2 hadami chatniaj chimii. Sam Adamovič tady nazvaŭ hety kradziež «psichałahičnaj razradkaj».
Čytajcie jašče:
Paetu Słavamiru Adamoviču prysudzili 2 hady chatniaj «chimii»
Słavamir Adamovič: «Dumaju, pryjechaŭ nazaŭsiody»
Słavamira Adamoviča vinavaciać u ekstremiźmie za apaviadańnie, nadrukavanaje dzieviać hadoŭ tamu
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie13
Kamientary
Takim byŭ. Takim jość.
Svaich hłuzdoŭ zajšoŭ u kapkan.
Kažu jak była. Kažu jak jość.