Hałoŭnyja asablivaści baskskaha čyzkiejka — heta śmietankovaja siaredzina, padpiečany vierch i niaroŭnyja krai. Vypiakajcie desiert pry vysokaj tempieratury: padčas hatavańnia jon pavinien padniacca. Rodam jon z Krainy Baskaŭ u Ispanii (adsiul i nazva).
Baskski čyzkiejk ličycca samym śmietankovym u śviecie. Jaho struktura lohkaja i miakkaja, a ŭsiaredzinie desiert zdajecca krychu vadkim. Taksama ŭ jaho mocna karamielizavanaja vierchni słoj — heta vynik zapiakańnia pry vysokaj tempieratury.
Vam spatrebicca:
- 750 h salonaha śmietankovaha syru (naprykład, Philadelphia)
- 250 h syru maskarpone
- 1 šklanka + 2 stałovyja łyžki cukru
- 1 stałovaja łyžka cukru z vanillu (ci 1 čajnaja łyžka vanilnaj pasty)
- 6 jajek
- 400 mł viarškoŭ tłustaściu 30-36%
- 1 łyžka soli
asnova:
- 200 h piečyva (možna pakrytaha šakaładam)
- 3 stałovyja łyžki masła
Jak hatavać:
Formu dla torta dyjamietram 24-26 sm zasłać papieraj dla vypiečki (tak, kab papiera vystupała nad bakami formy).
Razahrejcie duchoŭku da 200°S. Rastapicie masła. Raskryšycie piečyva ŭ kuchonnym kambajnie ci miksiery i dadajcie ŭ jaho rastoplenaje masła.
Usio pieramiašajcie i vykładzicie na dno formy dla vypiečki. Vypiakajcie prykładna 6-8 chvilin. Adstaŭcie ŭbok, kab słoj astyŭ.
Syry (śmietankovy i maskarpone) źmiašajcie miksieram razam z cukram (heta moža być cukar z vanillu), sollu i vanilnaj pastaj. Pastupova dadavajcie pa adnym jajku, uvieś čas pieramiešvajučy masu na nizkaj chutkaści.
Narešcie pavolna ŭlicie hustyja viarški ŭ śmietankovuju sumieś. Masa pavinna być vadkaj. Vielmi pavolna vylivajcie jaje na vypiečanuju asnovu (kab jana nie źmiašałasia ź piečyvam, možna vylivać łyžkaj).
Razahrejcie duchoŭku na 220 abo 230 hradusaŭ (mahčyma, treba bolš ci mienš — zaležyć ad asablivaściaŭ vašaj duchoŭki) i vypiakajcie tvarožnik 35-40 chvilin.
Vierch pavinien padrumianicca da ciomnaha koleru, a sam čyzkiejk musić krychu «treścisia» ŭsiaredzinie, kali vy jaho pierasoŭvajecie, — tak i pavinna być, jon zastynie u chaładzilniku.
Dastańcie čyzkiejk z duchoŭki (jon moža krychu apuścicca, heta narmalna) i, jak astynie, pastaŭcie ŭ chaładzilnik na niekalki hadzin (a lepš na noč).
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Kamientary