Asoby biez hramadzianstva taksama mohuć atrymać takuju mahčymaść paśla pravierki MUS, havorycca va ŭkazie prezidenta Ukrainy
Zamiežniki zmohuć słužyć u Nachvardyi Ukrainy. Adpaviedny ŭkaz padpisaŭ prezident Ukrainy Uładzimir Zialenski.
«Zamiežniki, jakija na zakonnych padstavach znachodziacca na terytoryi Ukrainy, raniej nie sudzimyja i adkazvajuć patrabavańniam prachodžańnia vajskovaj słužby, vyznačanym zakonam Ukrainy «Ab vajskovym abaviazku i vajskovaj słužbie», mohuć być pryniatyja ŭ dobraachvotnym paradku (pavodle kantraktu) na vajskovuju słužbu ŭ Nacyjanalnuju hvardyju Ukrainy», — havorycca ŭ dakumiencie.
Zhodna z pałažeńniami ŭkaza, zamiežnyja hramadzianie zmohuć zaklučyć kantrakt u składzie šarahovaha, siaržanckaha i staršynskaha sastavaŭ. U dakumiencie taksama havorycca pra mahčymaść słužby dla asob biez hramadzianstva paśla praviadzieńnia pravierki. Ukaz Zialenskaha ŭstupiŭ u siłu z dnia jaho apublikavańnia.
Nachvardyja ŭvachodzić u sistemu Ministerstva ŭnutranych spraŭ i ŭzajemadziejničaje z Uzbrojenym siłami Ukrainy. Paśla pačatku vajny jaje kolkaść składała 90 tysiač čałaviek. U lipieni 2023 hoda Nachvardyju ŭznačaliŭ hienierał Alaksandr Piŭnienka.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary