Čaćviera bili, a troje zdymali na telefon. Dziaŭčynka z-pad Minska stała achviaraj bulinhu
14-hadovaja dziaŭčynka z Ratamki pad Minskam stała achviaraj padletkavaha bulinhu. Jaje źbivali, prynižali byłyja siabroŭki i siabry, prymušali prasić prabačeńnia na kamieru. Padrabiaznaści hetaj historyi na padstavie śviedčańnia pradstaŭnika Śledčaha kamiteta vykłała ahienctva «Minsk-Naviny».
U kastryčniku 2023 hoda 37-hadovaj žycharcy Ratamki dasłali videa z sacsietak. Na im była vyjaŭlena rasprava padletkaŭ nad jaje dačkoj: adnyja valili dziaŭčynku na ziamlu i źbivali, inšyja zdymali ŭsio na kamieru mabilnaha telefona. U šoku ad pabačanaha žančyna źviarnułasia ŭ milicyju.
Śledstva vyśvietliła, što ŭviečary 8 kastryčnika 15-hadovaja navučenka kaledža sabrała kampaniju ź siami padletkaŭ ad 13 da 17 hadoŭ, kab razabracca sa svajoj kryŭdzicielkaj. Taja nibyta abražała nie tolki padletkaŭ, ale i ich maci, a taksama krała asabistyja rečy.
Spačatku kampanija pryjšła da dziaŭčynki dachaty, ale tam była jaje maci. Žančyna, adnak, nie padumała, što moža adbycca niešta vielmi kiepskaje, tamu adpuściła svaju dačku na vulicu. A tam padletki ŭčynili ź joj raspravu.
Spačatku ad dziaŭčynki zapatrabavali prabačeńniaŭ, ale ich akazałasia mała. Urešcie jaje zaciahnuli na zakinuty ŭčastak, a tam pastavili na kaleni i źbivali rukami dy nahami. U hetym źbićci tak ci inačaj udzielničali ŭsie: čaćviora bili, a inšyja zdymali hetuju scenu na telefony.
Paśla taho dziaŭčynka bajałasia raskazać niekamu pra zdareńnie, bo joj u takim vypadku pryhrazili novaj raspravaj. I, mahčyma, heta tak i zastałosia b tajamnicaj, kali b videa nie raźmiaścili ŭ siecivie i jano nie trapiła na vočy darosłym.
Padčas śledstva vyśvietliłasia, što ŭsie ŭdzielniki kanfliktu — navučency roznych škoł i kaledžaŭ. Paciarpiełaja dobra viedała tolki dvuch z tych, chto na jaje napadaŭ: ź imi jana niekalki hadoŭ tamu siabravała.
Pa fakcie źbićcia zaviali kryminalnuju spravu, dziejańni čatyroch padletkaŭ kvalifikavanyja Minskim rajonnym adździełam Śledčaha kamiteta pa č. 2 art. 339 KK («złosnaje chulihanstva, ździejśnienaje hrupaj asob»).
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha116
Kamientary