«Łyžaŭ jaŭrejam nie vydajom». Elitny Davos šakavany antysiemickim skandałam
Šviejcarskaja palicyja raspačała kryminalnaje rasśledavańnie ŭ suviazi z paviedamleńniem kramy hornaha ryštunku ab tym, što jana bolš nie budzie pradavać łyžy i sanki klijentam-jaŭrejam, piša VVS.
Krama raźmieščanaja na papularnym harnałyžnym kurorcie Davos, dzie štohod prachodzić suśvietny biznes-forum. U vyniku skandału tam vyrašyli pierahledzieć svaju palityku — prybrali abjavu ab zabaronie, pradublavanuju taksama na iŭrycie.
U abjavie, vyviešanaj na vitrynie kramy, havaryłasia, što z-za sieryi incydentaŭ, u tym liku kradziažoŭ, «my bolš nie vydajom spartyŭny invientar našym bratam-jaŭrejam».
Krama, jakaja zjaŭlajecca častkaj hornaha kurorta z restaranam, pieršapačatkova paviedamlała, što supracoŭniki sutyknulisia z vypadkami, kali ŭziataje naprakat abstalavańnie prosta nie viartałasia, i supracoŭniki stamilisia hojsać pa schiłach usich navakolnych hor u pošukach kinutych sanak.
Na praciahu 24 hadzin paśla ich zjaŭleńnia abjavy vyklikali škvał pratestaŭ.
Mer Davosa Filip Vilhielm zajaviŭ šviejcarskim ŚMI: «Lubyja formy antysiemityzmu, rasizmu i dyskryminacyi pavinny być asudžanyja. Heta nie pra Davos».
Dyrektar kramy prynios prabačeńni, pahadziŭšysia z tym, što abjava była «drenna sfarmulavanaja». Jon taksama zajaviŭ, što habrejskija klijenty buduć vitacca.
Ale šviejcarskija aktyvisty pa baraćbie z rasizmam adznačyli, što zhadvańnie cełaj rasavaj, relihijnaj abo etničnaj hrupy na padstavie kiepskich pavodzin asobnych ludziej zjaŭlajecca čymści bolš surjoznym, čym prosta niapravilny vybar słoŭ dla abviaščeńnia — nasamreč heta kłasičny znak rasizmu i dyskryminacyi.
Šviejcarskija kurorty, u tym liku Davos, hadami prymajuć vialikija hrupy pa-roznamu vychavanych ludziej. Možna ŭspomnić i rasiejskich aliharchaŭ, i naftavych mahnataŭ z krain Piersidskaha zaliva, i maładych bankiraŭ ź Ciurycha, asabliva viadomych svaimi dzikimi tusoŭkami i zvyčkami da kakainu, ci navat brytanskich naviedvalnikaŭ z «pakietnymi» adpačynkami i zapałam da hučnych zabaŭ da hłybokaj nočy. Ale nivodnaja z hetych hrupaŭ nie vyklikała takoj zakłapočanaści ŭ hornaj kramie, jak habrei.
Hienieralny sakratar Fiederacyi habrejskich supołak Šviejcaryi Džonatan Krojtnar zajaviŭ, što padaść skarhu na punkt prakatu i budzie damahacca ŭzbudžeńnia kryminalnaj spravy. Palicyja kantona Hraŭbiunden pačała ŭłasnaje rasśledavańnie.
Moščy «raśpiataha chłopčyka», jakoha dla antysiemickaj prapahandy vykarystoŭvali nacysty, pryvieźli ŭ Homiel
Viciablanin padaŭ u sud na siłavika z-za jahonych antysiemickich vykazvańniaŭ. Vynik prahnazavany
«Idzicie na ch*j». Mask pasłaŭ kampanii, jakija admovilisia ad rekłamy ŭ Ch paśla antysiemickaha pasta
Ciapier čytajuć
Minčuk čatyry hady trymaŭ u rabstvie piensijanieraŭ i prymušaŭ ich prasić miłaścinu. Jany ŭžo pamierli8
Kamientary
U ich hrošy, ułada, mastactva, kultura roznych dziaržaŭ śvietu.
Biez łyž biezapaśniej.