Viciablanin padaŭ u sud na siłavika z-za jahonych antysiemickich vykazvańniaŭ. Vynik prahnazavany
Pradprymalnik Leŭ Ruvimavič Hoz, jaki maje punkt handlu na Smalenskim rynku ŭ Viciebsku, pieraśledavaŭsia siłavikami z Kastryčnickaha RAUS za «ekstremizm». Ale sam vystupiŭ z sustrečnym pazovam, budučy abražany antysiemityzmam milicyjanta, piša «Vitiebsk, ja hulaju!».
Viadoma, što Lva Hoza pryciahvali i pa «ekstremisckim» artykule (19.11 č.2 KaAP RB), i pa artykule ab abrazie słužbovaj asoby (24.4 č. 1). Pravodzili ŭ jaho i pieratrusy.
Padčas adnaho z hetych pieratrusaŭ, jak śćviardžaje sam Leŭ Ruvimavič, supracoŭnik Kastryčnickaha RAUS Viciebska Arciom Jankoŭski dapuściŭ na jahony adras vidavočna antysiemickija vykazvańni, nazvaŭšy jaho «židionkom». Pry hetym milicyjant pahražaŭ mužčynu, što nie daść jamu pracavać.
Hetaja pieratrusy, jak śćviardžaje pradprymalnik, i vialisia z etničnaj niepryjaznaści. Pa adnym epizodzie ŭ Lva Hoza byŭ śviedka, u druhim vypadku abrazu siłavik dapuściŭ bieź śviedak.
Mužčyna padaŭ na milicyjanta ŭ sud, ale toj adchiliŭ jahony pazoŭ ab kampiensacyi maralnaj škody ŭ pamiery 10 tys. rubloŭ. Bolš taho, što Arciom Jankoŭski padaŭ sustrečny pazoŭ ab kampiensacyi nibyta naniesienaj jamu maralnaj škody i dla abarony «honaru i hodnaści».
«My ŭsio znojdziem, usio dakažam, i pojdziecie vy na 7 hadoŭ». Bychaŭski piśmieńnik-fantast raskazaŭ, jak jaho plažyli za supracu z rehijanalnymi ŚMI
Jak minimum 185 čałaviek trapili pad pieraśled padčas masavaha rejdu siłavikoŭ na svajakoŭ palitviaźniaŭ — Viasna
Byłoha palitviaźnia i žurnalista z Drahičyna Siarhieja Hardzijeviča aryštavali na 15 sutak
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary