U Litvie razhladajuć papraŭki ŭ zakon, kab pastrožyć pravierki dla biełarusaŭ
U prajekcie praduhledžvajecca, što ŭ vypadkach pierasiačeńnia miažy biełarusami pa šenhienskaj vizie supracoŭniki Słužby achovy dziaržaŭnaj miažy abaviazanyja dadatkova acanić ryzyki i pry nieabchodnaści pravieści bolš detalovuju pravierku.
U Siejm Litvy buduć uniesienyja papraŭki da zakonaŭ, jakija prapanujuć jašče na adzin hod padoŭžyć nacyjanalnyja sankcyi, jakija prymianiajucca da hramadzian Biełarusi i Rasii, a taksama pastrožyć pravierki biełarusaŭ, jakija ŭjazdžajuć u krainu, piša Delfi.lt.
Prapanova jašče na adzin hod padoŭžyć abmiežavańni, jakija dziejničajuć u dačynieńni da hramadzian Rasii, i ŭzmacnić strohaść pravierki hramadzian Biełarusi, jakija prybyvajuć u Litvu, na minułym tydni ŭchvaliŭ urad.
U prajekcie praduhledžvajecca, što ŭ vypadkach pierasiačeńnia miažy hramadzianami Biełarusi pa šenhienskaj vizie supracoŭniki Słužby achovy dziaržaŭnaj miažy abaviazany dadatkova acanić ryzyki i pry nieabchodnaści pravieści bolš detalovuju pravierku.
Jak i ŭ papiarednim rašeńni, papraŭki ŭ zakon praduhledžvajuć abmiežavańni na vydaču viz rasijanam i biełarusam. Vyklučeńni praduhledžany dla asob, jakija źjaŭlajucca členami siemjaŭ hramadzian Litvy abo inšych krain Jeŭrapiejskaha sajuza (ES), členami ekipažaŭ, jakija ažyćciaŭlajuć mižnarodnyja pieravozki.
Taksama abmiežavańni nie zakranuć asob, jakija pryjazdžajuć u Litvu z humanitarnych mierkavańniaŭ.
U zakonaprajekcie taksama prapanujecca ŭdakładnić, što abmiežavalnaja miera budzie raspaŭsiudžvacca na jurydyčnych asob, bienieficyjarami jakich źjaŭlajucca hramadzianie Rasii, niezaležna ad taho, ci majuć jany časovy abo pastajanny vid na žycharstva ŭ Litvie.
Uviesnu minułaha hoda Siejm uvioŭ nacyjanalnyja sankcyi suprać hramadzian Rasii i Biełarusi. Zakonaprajekt ab abmiežavalnych mierach z-za vajennaj ahresii suprać Ukrainy zrabiŭ bolš žorstkim paradak pradastaŭleńnia pastajannaha abo časovaha dazvołu na žycharstva, vydačy viz i zabaraniŭ pieramiaščeńnie hramadzian Rasii praź źniešniuju miažu ES.
Kiraŭnik MUS Litvy padtrymała zakryćcio dvuch punktaŭ na miažy ź Biełaruśsiu: Nacyjanalnaja biaśpieka — pryjarytet №1
Naŭsieda pra zakryćcio KPP na miažy ź Biełaruśsiu: Žaleznaja zasłona pamiž Zachadam i Uschodam užo apuściłasia
Litva płanuje skaracić napałovu kolkaść dazvołaŭ na mižnarodnyja pasažyrskija pieravozki ź Biełaruśsiu
Łukašenka zahavaryŭ pra prarasijskaść Cichanoŭskaha, bajučysia nazvać jaho imia37
Kamientary