Pačali zavočnuju kryminalnuju spravu suprać byłoha pastaŭskaha pradprymalnika
Upraŭleńnie Śledčaha kamiteta pa Minskaj vobłaści pačało śpiecyjalnuju vytvorčaść u dačynieńni da pradprymalnika z Pastaŭ 29-hadovaha Ihara Parunkieviča, jaki emihravaŭ ź Biełarusi pa palityčnych pryčynach.
Mužčyna abvinavačvajecca pa č. 1 art.130 (naŭmysnyja dziejańni, nakiravanyja na ŭzbudžeńnie inšaj sacyjalnaj varožaści abo varožaści, pa prykmiecie inšaj sacyjalnaj prynaležnaści), č. 1 art. 364 (pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ u metach pieraškody jaho zakonnaj dziejnaści i prymusu da źmieny charaktaru hetaj dziejnaści, z pomsty za vykanańnie słužbovaj dziejnaści), č. 1 art. 368 (publičnaja abraza Łukašenki).
Viasnoj 2021 hoda Parunkievič u intervju litoŭskamu partału Delfi kazaŭ, što ŭ dačynieńni da jaho sfabrykavali kryminalnuju spravu paśla taho, jak jon pastaviŭ u svaim bary ŭ Pastavach skrynku dla zboru srodkaŭ paciarpiełym ad dziejańniaŭ siłavikoŭ padčas akcyj pratestu.
Nieŭzabavie paśla hetaha jon byŭ vymušany pakinuć Biełaruś.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia6
Kamientary