Na stancyi mietro «Park Čaluskincaŭ» abadrali ścieny i demantavali ŭpryhožvańni
Stancyja minskaha mietro «Park Čaluskincaŭ» stała vyhladać vielmi nieprezientabielna. Ścieny abšarpanyja, dekaratyŭnyja elemienty z-pad stoli pazdymali, piša blizko.by.
Kali stać tvaram u bok stancyi «Malinaŭka» (a «Uručča» zastaniecca za śpinoj), to levaja puciavaja ściana vyhladaje narmalna, a voś pravaja — niepryhoža. Z kranštejnaŭ, jakija iduć uzdoŭž, prybirali dekaratyŭnyja šklanyja elemienty.
Jak tłumačyć pres-słužba mietrapalitena, hetaja stancyja — adna z samych «uzrostavych», sioleta joj spoŭnicca 40 hadoŭ. Tamu ciapier u načny čas vykonvajucca płanavyja raboty, naprykład, pa zamienie krejdavaha pakryćcia nad płatformaj na akryłavaje. Dla hetaha byli časova źniatyja elemienty niekatorych śviacilniaŭ. Nieŭzabavie jany viernucca na miesca.
«Park Čaluskincaŭ» — pieršaja sa zbudavanych stancyj Minskaha mietrapalitena. Stancyja była adkryta 29 červienia 1984 hoda. Jaje ŭpryhožvańniem stali dekaratyŭnyja lustry ŭ vyhladzie słaniečnikaŭ z padśvietlenaha adlivanaha škła ciomna-žoŭtaha i karyčnievaha koleraŭ.
Na afarmleńnie «Parku Čaluskincaŭ» spatrebiłasia 15 ton kryštala i kalarovaha škła.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary